AANAMAPYA noshowo oyene yomahala gokukala komunkulo gwomulonga gwa Orange oye li uupathi oshoka omulonga nguka ogwa tegelelwa gwiitumbe oku uka pehulilo lyoshiwike shika.
Omeya oga ningi ogendji momulonga nokwiitumba omolwashoka omeya oga patululwa okuza modama ya Vaal moSouth Africa, oshoka ndjoka oya li ya tondokele omeya ogendji omolwa omvula oyindji yaloko momatondokelo godama ndjoka. Omapya, oondunda dhokukala, nomahala gomandjembele oyi li moshiponga ngele uule womeya owa pitilile mpoka wa thanekelwa wu kale. Mu February omumvo gwayi noshowo momumvo 1988 omulonga nguka ogwa li gwa pitilile ominkulo dhagwo nokukungulupo omapya gamwe noshowo oondunda dhimwe.Omuwiliki gwehala lyokukala lya Noroshama, Juan Claasen okwa ti yo ota ya talele omeya ngaka kutya ota ga londo okuuka pombanda ngiini na oya katu ka nale onkatu okuyanda oshiponga.Okwa ti omeya momulonga otaga itumbu ometela yimwe okuya pombanda esiku kehe. Okwa ti ngashingeyi oya tameka nale oku kutha mo iinima yimwe moondunda ndhoka dhili popepi nomunkulo gwomulonga. Okwa ti aaniilonga oya tameke nale oku tula po omakuma goku keelela omeya gefundja opo pu yandwe eyonuko koondunda.Claasen okwa ti omumvo gwayi ondunda yimwe yaamboka opo ya hokana noshowo oondunda dhilwe ndatu odha li dha yi omeya. Omanga omuwiliki gwehala lyo Felix Unite, Wula Veldskoen okwa ti uule womeya ngoka ga li mpoka omumvo gwayi ogo omale nkene ye a longele mpoka uule womimvo 10. Okwa ti omalweendo guubautu ngoka haga ningwa uule womasiku gane ngashingeyi ohaga ningwa ashike mesiku limwe omwola omeya ngoka ge li pombanda. Okwa ti omolwa uule womeya ngoka opwa ningwa omalongekidho oku yanda eyonuko tashi vulika li ningilwe omaliko.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
