AaMaruru ina ya panda obonas ya pewa omunambelewa omukuluntu

OTAKU hokololwa pwaana euvo nawa pOmaruru, kombinga yetokolo lyelelo lyoshilando shoka oku pa omunambelewa gwalyo omukuluntu Werner Iita obonasa yooperesenda 16.

Mboka ya uvite ombili naashika ota yi ooperesenda ndhoka odhindji okuyeleka niilonga mbyoka a longo , unene tuu shoka mbyoka oyindji ya kwatelamo iinakugwanithwa ye yesiku kehe, no kayi shi ando iilonga yalongwa po iipe ta yi etelele oshilando uuwanawa.Oshigongi mpoka pwa ningwa etokolo ndika osha gongalele omaandaha oshiwike sha yi, nakansela gumwe moshilando moka Heiner Dorgeloh gwongundu yaafuti yiifendela pOmaruru okwa zimo moshigongi, konima sho a pula kutya ehokololo lyiilonga ya Iita olili peni ndyoka lya longithwa opo pa ningwe etokolo oku mu pa obonasa yooperesenda 16.Pahapu dhe oshinima shokukonakona nkene, Iita a longo omumvo gwa piti ka kwali sha ningwa newilikongundu lyelelo aniwa inali gandja omushangwa gwasha ngoka ta gu popi iilonga iiwanawa nenge omaunkundi ngoka, Iita ena omanga obonasa ndjika inaayi ziminwa.Iita okwa longele oshilando sha Maruru uule woomvula mbali ngashingeyi.Oshinima tashi ipulwa nasho kashishi ooperesenda dhobonasa ndele shoka tashi, pulwa okutya omakankameno hoka kwa thikamekwa etokolo okugandja obonasa ndjika.Mboka yuuvite nayi oya ti omunambelewa omukuluntu okwa li ena okutalwa nkene a longa omanga inaa pewa obonasa.Unene ta talwa miilonga ye yopamathaneko kombinga yokuhumitha komeho oshilando ndele ne ha ku mu tala nokukonakona miilonga ye yesiku kehe.Omunashipundi shelelo lya Omaruru, Mike Tjirare okwa lombwele oshifo shika kutya oshinima kehe osha longwa palandulathano, newiliko olya tsa kumwe metokolo ndyoka, okugandja ooperesenda 16 ku Iita.Shika osha ningwa shi ikwatelela kiilonga ye. Ndele epulo oli li mpoka kutya shoka a longo osho shike naanaa. Yamwe oya ti shoka a longo ongaashi okukalekapo iinima yoshilando, eshi ningi meni lyomutengeneko thaneko, noshowo sho eshi pondola oku hilila aapunguli moshilando moka, a longo meni lyomutengeneko thaneko, a tula miilonga omatokolo agehe gewiliko lyOmaruru, mbika aniwa iilonga yesiku kehe yomunambelewa omukuluntu yamwe osho ya ulike.Iita sho a pulwa okwa ti ye ka li po poshigongi shoka sha ningi etokolo, opo a pewe obonasa yooperesenda 16.Okwa ti ye okwa li a ithanwa konima nokulombwelwa kutya okwa pewa obonasa yooperesenda 16.Okwa gwedha ko tati ke uvite ko kutya oshike aantu ta yi ipula nobonasa ye.Pahapu dhe, oye awike omuniilonga gwaandja muni gwOmaruru ihaa mono otjeke 13, ndele ye oha pewa obonasa shiikwatelela kutya oshinakugwanithwa she okwe shi longo ngiini omumvo ngoka.Euvathano lyiilonga ye aniwa ota li ti ye oku na okupewa obonasa shithike pwaashoka a ndjambula po ndele ndjika ka yi na oku pitilila ooperesenda 20 dhondjambi ye yokomwedhi.