Aalongwantu aAfrika ota ya humitha komeho Europa na Amerika

AAFRICA mboka ya longwa moEuropa nenge koAmerika ina ya galukila kegumbo opo ya humithe komeho enenevi lyawo, ndele ota ya kwathele okuhumitha komeho iilongo mbyoka.

Ngaka ogo omadhiladhilo gOminista mOmbelewa yOmuperesidende, omusamane Albert Kawana pethimbo a li ta popi kombinga ye euvathano lya SADC lyUudhindoli nUungomba(Protocol onScience Technology and Innovation) ndyoka lya tulwa poshitaafula mOshigongi shOpashigwana Omaandaha.’Ondunge ndjika ita yi longo ngele omukalo ngoka gwa landulwa kAafrica inagu hulithwa po, sho naamboka ya longwa miilongo yawo ota ya thigipo iilongo yawo opo ya ka konge uunapelo wuli nawa’Kawana ta gwedha ko.’Pamukalo nguka Africa ota kwathele Europa na Amerika meputuko’.Uuvu wAfrica, owo okwaana iimaliwa opo omanongelo gopombanda ga yambulwepo’Ondunge uvathano ndjika oya tulwa poshitaafula kOmupevi Minista gwElongo me Becky Ndjoze-Ojo.Ota yi lalakanene kutya ongundu ndjika yiilongo 15 oyi na okulongitha operesenda yimwe yiiyemo yawo moshilongo komumvo 2010 okuyambula po omapekaapeko moshitopolwa shuudhindoli , uungomba noshowo okweeta iinima iipe.Ondunge uvathano ndjika ota yi humitha komeho elongelokumwe mehumokomeho moshitopolwa kombinga yuudhindoli, uungomba noshowo okushitapo nokudhiladhila po iinima iipe.Oompata nkundathana odha tameke mbala, nomu Prima Minista Nahas Angula okwa ti uudhindoli owo oshipatululo okuteya uuthigona muAfrica.’Otu na okutothamo omashongo gopashigwana ngaashi tu tye ondjala moNamibia, molwaashoka ooperesenda heyali dhuunona muka, wu li pokati komumvo gumwe sigo oomvula ntano ota u ehama ondjala.Otu na iikulya ngaashi oohi, onyama yongombe nomahangu ndele natango aanona yetu ota ya si ondjala,’ Omuprima ta ti megwedhelepo lye kondunge uvathano ndjika.Ominista yEmona, Saara Kuugongelwa Amadhila okwa yi mo ta ti ota shi kala oshaanawa ngele aalongwantu ya Namibia oya galukile kegumbo opo yee ya longe mpaka.Ominista yUuyuki, Pendukeni Iivula Ithana okwa pula Kuugongelwa-Amadhila kutya omolwashike aalongwantu yAfrica ya hogolola okukomba omapandaanda giilando ya Europa na Amerika pehala lyokugalukila kegumbo.Arnold Tjihuiko gwo Nudo sho ayi moohapu ina popya sha kombinga yondunge uvathano ndjika ndele okwa ti oondunge uvathano dholudhi nduka na dhi kale ha dhi ziminwa ndele eta dhi tulwa miilonga ngaashi dhili, ta ulike keuvathano lyomahogololo ndyoka a ti, ota li utha omahogololo moSADC ga ningwe uule wesiku limwe ndele moNamibia omahogololo otaga ningwa uule womasiku gaali..Ominista Yuunamapya,John Mutorwa okwa pula Tjihuiko ngele okwa longitha ompito ndjika opo a ete ondunge uvathano yimwe haa ndjoka ta yi kundathanwa esiku ndyoka.Omupopi gwegumbo omusamane Gurirab okwa lombwele Tjihuiko a popye ashike kombinga yondunge uvathano yuudhindoli nuungomba opuwo.