Aalongwa yokefuta ya opaleka omunkulofuta

KONYALA aalongwa omathele gane (400) ya za momanongelo gomErongo nomoKaras oya li ya kutha ombinga mokwoopaleka iitopolwa yominkulofuta dhuuyuni.

Oshiningwanima shika ha shi ningwa omumvo kehe osho oshi 24 nuumvo sha longekidhwa kehangano hali ithanwa Ocean Conservancy International.Aanongekwa mbaka oya toola nokugongela iiyagaya yondjundo yookilograma 2 650 sho ya opaleke omunkulofuta gwa Namibia omasiku ngoka.Ndika olyo lya li eyopaleko enene ndyoka uuyuni wa monithwa moka aaiyambi 400 000 ya kutha ombinga mokwoopaleka.Ekuthombinga lya Namibia olya li lya ambidhidhwa komahangano go Indongo Toyota(WalvisBay) na Namibia Coastal Conservation and Management Project(Nacoma).Pahapu dha Gys Reitz, gwa Nacoma, aanongekwa ya za ko Henties Bay, Swakopmund, Ombaye na Liindili oya gongele iiyagaya yondjundo yookilograma 2 650.Mbika oya thikama po moompunda dhoplastica, omakende, omakende goplastica goonamunate, oonete dhokukwatitha oohi, oongodhi dhuundjolo, uundooha wuunamunate, uupambu wuusekereta, iidhinditho yombepo, oongodhi noshowo oocondoma.Elalakano lyoshiningwanima shika olya li oku opaleka po iiyagaya niikwayagaya ayihe mbyoka ya halakana nokunyateka ominkulofuta dhuuyuni. Elalakano ekwawo oku lundulula omaihumbato goshigwana ngele ta shiya ko ku ekelahi iiyagaya mefuta lyuuyuni, tu tseye kutya mbika ota yi ka umbwa mo esiku limwe nokuya komunkulo gwontumba moshilongo shontumba kongongavi.Eyopaleko lyominkulo olya li ko pokati ko 18 sigo 19 ga Septemba nuumvo.