Aalongwa naalongisikola ya patelwa pondje pOliindili

OKAMPANI ya Tate Distributors oya patele pondje aalongiskola naalongwa yomOprimasikola ya Helena Van Rhyn Primary School pOliindili, molwashoka Epangelo oli na oondjo dhOkampani ndjika dhoshimaliwa sha konda pOmiliona yimwe.

Okampani ndjika oyi na okufutwa Okampani ndjika sho ya tungile Epangelo Osikola ndjika ompe. Omukuluntu gwElongo moshitopolwa sha Karas August Mungunda okwa ti epatelopondje lyaalongwa naalongi olya piyganeke elongo lyaanona ye li 450.’Shika otashi eta evundakano enene. Iilongitho ayihe oya patelwa momatungo gOsikola omape,’ Mungunda osho a popi ngaaka. Omolu uupyakadhi mbuka, aalongwa oya li ya shunwa komatungo omakulu gOsikola ndjika oko ya ka longelwa.’Aalongwa yamwe oya kuutumba polupanda,’ Mungunda ta popi. Okwa ti Amushanga omukuluntu mUuministeli wIilonga, Amushanga omukuluntu mUuministeli wElongo naanaveta yEpangelo oya li ya kuutumba mEtiyali ya kandulepo uupyakadhi mbuka. Amushanga omukuluntu mUuministeli wElongo Vitalis Ankama okwa lombwele Oshifo shika kutya ye ine shi uva ngele opu na oshinima shatya ngaaka nenge aalongwa naalongisikola ya petelwa pondje yomatungo gOsikola.Nande ongaaka, Ankama okwa kondema onkatu ndjoka ya katukwa kOkampani ndika. Ta ti, ‘oshi li pondje yoveta okupatela pondje aalongwa naalongi. Opu na omilandu okuungaunga nEpangelo ngle olya ndopa okugwanithapo etsokumweuvathano.’Menindjela gwOkampani ndjika, Mr Shilomboleni , okwa tindi okugandja okomenda koshinima shika. ‘Otandi ka komenda ashike uuna nda popu na Amushanga omukuluntu mUuministeli wIilonga,’ Shilomboleni osho a popi.