Aalongwa mboka inaa ya pewa obursary otaya vulu okuya kompangu

NATANGO oshinima shiimaliwa yokwiilongitha yagandjwa kaaChina onkene ta shi tsikile nonando epangelo olya ningi oonkambadhala okugandja omafatululo ogendji.

Momushangwa gwa gandjwa metiyali oLegal Assistance Centre(LAC) oya ti aalongwa mboka ya li ta shi vulika ye na okupewa iimaliwa mbyoka oyena ompito okulongitha ompango.Oompata noonkundathana moshinima shika odhe ya po sho kwa kundanekwa miikundaneki kutya aana yaanenentu yomepangelo oya pewa iimaliwa yokukiilonga koChina.Oompata ota dhi ingaana pepulo ngele shika oshithike puulingilingi nenge edhengelo lyondhi peho.’Paku popya oshili kehe gumwe gwomaailongi mboka ya li ya ningi eindilo ya pewe iimaliwa yokwiilongitha , ndele omaindilo gawo oga tindwa otaya vulu okufala epangelo kompango okupula kutya omolwashike inaya pelwa iimaliwa mbyoka. Na kehe gumwe otavulu okusindana moshinima shika paku shi talalelela pakotampango lyoshilongo.Unene sho etokolo lya ningwa okugandja iimaliwa yeilongo kaana yaamboka taya vulu okufutila oyana pwaana uudhigu washa.,’Norman Tjombe omuwiliki gwa LAC a ti.Okwa ti efatululo okuza kepangelo kombinga yoshinima shika ita shi uvikwa ko sigo oompaka unene sho kaapena efatululo lyakola.’Ope na aalongwa yomayovi mboka ye li shili mompumbwe onene yo mbaka kayena iimaliwa opo yi ilonge ndele aana yaamboka yena sha notaya vulu okufutila oyana oya yugu aanona mboka ye li shili mompumbwe yoshimaliwa, ompito yokwiihumitha komeho melongo, nopamukalo gwa tya ngeyi oye ya ekelehi ya kale aluhe mongonga yoluhepo itaalu hulu, okwaashi kulesha, nokwaana iilonga.’Tjombe ta gwedha ko.Pethimbo opo tuu mpoka oCOD noPSUN nayo oya tiko sha koshinima shika oku ulika okwaana mbili kwayo.Amushangandjai gwa PSUN, Victor Kazonyati okwa pangula oshinima shika ta ti otashi shekitha.Cod okwa ti etompelo kutya aanona mbaka oya mono uuwanawa mbuka oshoka yo aana yomitse dhepangelo, mboka ta ya vulu okugandja omauwanawa gontumba kaaChina.Amushangandjai gwo COD Tsudao Gurirab okwa ti iimaliwa mbyoka osha yela kutya oyo oombumbo dha taambwa opo mboka ya vule okugalulila oonakufuta iimaliwa mbika uuwanawa wontumba wa longwa nale nenge ta u ka longwa, mokulyata kombanda yoohepele dha Namibia.Shika otashi vulu okufatulula nkene omahangano ogendji taga kuthwa iilonga kaaChina oshoka mbaka ohaya gandja omagano kaaleli yamwe mboka ha ya vulu okupewa oombumbo.