Aalongisikola yatatu yokEkulo nombendinde ya sa moshiponga shohauto pOkapya

pOKAPYA A ALONGISIKOLA ye li yatatu yokOsekundosikola ya Ekulo popepi nOmuthiya mOndonga nombendinde oya si eso li nyanyaleka sho ohauto yawo, yokaCorsa, moka ya li, yi idhenge mumwe nOloli yoondongelwa pOkapya mOndjila onene ya Ndangwa nOshakati mEtine lya zi ko.

Omukuluntusikola pOseko ndjoka yOpombanda yEkulo, tate Mwetuhanga Hishekwa, okwa lombwele The Namibian kutya aalongisikola mboka ya si moshiponga shika oyo Ananias Shigwedha gwoomvula 31 a zile kOtamanzi kOngandjera mOshitopolwa sha Musati nokwa li ha longo Osikola pEkulo mpoka, Alfred Mayavero gwoomvula 30, a zile kOkaiti, Uvatera Nunuhe opo ashike e ya po pOsikola mpoka a zi kOshomeya nosho wo ombendinde ndjoka owala ya tseyika nedhina Anna, ashike otaku tiwa kutya okwa zile kombinga yUukwanyama nokwali nee ha kala nokanona komulongisikola Rovisa Petrus ngoka nokanona ke hoka ya hupu moshiponga shika. Mohauto yaalongisikola ndjika omwa hupa nee omulongisikola Rovisa Petrus nokanona ke hokakoomwedhi mbali lwaampoka noshowo omulongisikola Helena Kandenge.Meme Rovisa Petrus, okanona ke noshowo meme Helena Kandenge oya li ya falwa koshipangelo kOnandjokwe ongulohi ndjoka yEtine lya zi ko sho ya mono oshiponga ngeyi.Okanona ka meme Rovisa oka lundululilwa kOshipangelo shEpangelo sha Shakati, omanga meme Helena a lundululilwa koshipangelo shOpaumwene sha Ngwediva, shoka, mOlyomakaya ga zi ko, she mu lundululile kOshipangelo sha MediCity kOvenduka meendelelo.Meme Rovisa oku li ngaa kOshipangelo sha Nandjokwe ta mono epango, omanga nee okanona ke ke li kwaashoka shEpangelo sha Shakati.Kepulo, tate Hishekwa okwa ti kutya meme Rovisa nokanona ke oye li po hwepo.Helena oye ashike ngaa, taku talika kehalo lya Kalaunga.Ohauto yaalongi, komatango lela ngoka gEtine lya zi ko, otaku tiwa kutya oya li tayi zilile kOndangwa yuuka lwokOshakati nOngwediva omanga Ololi ya li tayi zilile kondjila ya Shakati ya thinda lwokOndangwa.Kutya nee oshike naanaa sha ende po, iihauto mbika iyali lwopoThe System pOkapya mpoka, oyi idhenge omitse mumwe.Ololi tayi nyanyagula po oshipala shokahauto kaalongi hoka thiluthilu nokuka ninga iinyanyu.Aalongi mboka ya li komeho gokahauto hoka, unene omuhingi naamboka ya li ye mu egama, oya monithwa oshiponga oshinene noshi nyanyaleka noonkondo.Omuntu ito vulu okutala ko.The Namibian sho e ya po mpoka, okwa adha oshinima sha halakanna nayinayi, nomuntu ito vulu okutala ko.Yamwe ya li lwopopepi sho oshiponga tashi ningwa, otaya ti kutya shimwe shomiihauto mbika iyali osha fa sha li tashi kembadhala aniwa okuhenuka omuntu, ngoka a li ta taaguluka ondjila pokuma mpoka.Shoka itashi kolekwa natango, molwashoka Opolisi, kepulo, oya ti kutya sigo oompka kayi shi kutya oshike sha etitha oshiponga na opo tayi konaakona.Tate Hishekwa ota ti kutya oya adhika ye na Osumina onene, ano Obazaar onene ngeno mehuliloshiwike lya zi ko pOsikola yawo mpoka.Ya li tayi ningwa nelalakano lyokugongela oshimaliwa shokuhumitha komeho Osikola yawo, ngashi unene okutunga oongulu dhomihandjo molwashoka ndhoka ye na inadhi gwana naanona yamwe otaya mono iihuna kokwaapo koondjugo dhokukala nokulala.Yamwe haya lala ashike muupeleki wa dhikwa lwoposikola mpoka.Aalongi mbaka oya adhika nee ya uvanekelwa iikwaniipangitho yObazaar ndjika kookuume, kaanangeshefa nosho tuu koohandimwe noya adhika nee esiku ndjoka ye li metifa lyoku ke yi tala ko ye yi fale kOsikola opo ngeno ya tameke nale nombazaar yawo ndjika mEtitano lya zi ko yo tayi faalele ngeno ehuliloshiwike alihe ndjoka lya zi ko.Shika Kalunga ine shi pitika we.Tate Hishekwa ota ti kutya ngashi sho oshiponga sha ningwa, aalongisikola mbaka oya adhika ngeno ya thinda nziya koCoca Cola kOshakati, ya ka tale ko uunamunate wObazaar noshowo ngaa iilongithomwa yilwe mbyoka ya li ya uvanekelwa taya pewa kookuume kOsikola yawo mboka ye li lwokOoshakati nOongwediva hoka, opo yi igwedhe kwaashoka ye na po shokuningitha Obazaar yawo ndjika.”Otwa dhengwa nayi lela.pOsikola opwe ya omwaka omunene, itagu vulu okuthitikwa nuupu, molwashoka aalongi ayehe mboka ya si, oya li aalonhgi yElaka lyOshiingilisa nopwa hupa ashike gumwe sho tu li mpaka.”Ondi wete kutya nuumvo, aanona yetu itaya ka pita nawa Oshiingilisa.Otwa dhengwa nayi lela koshiponga shika, notu li ashike twa tala pombanda, ku Kalunga ketu” Hishekwa ta ti ngawo.Ohela mOsoondaha oya li ye na Elongelokalunga pOsikola yawo mpoka, lya ningwa konima yOmambo.Tate Hishekwa ta ti kutya Elongelokalunga ndika olya ningwa molwokuhekeleka nokuhungomwenyo aanasikola, aalongi naavali mboka ya dhengwa pevi noonkondo keso lyaalongisikola mbaka.Ta ti kutya Oshituthidhimbulutho shawo otashi ka ningwa ngula mEtiyali pOsikola mpoka nElongekidho lyefumviko lyawo oli li metifa.Oshifo shetu otashi gandja omahekeleko koonakuthigwapo atuheni.Mohauto yaalongisikola ndjika omwa hupa nee omulongisikola Rovisa Petrus nokanona ke hokakoomwedhi mbali lwaampoka noshowo omulongisikola Helena Kandenge.Meme Rovisa Petrus, okanona ke noshowo meme Helena Kandenge oya li ya falwa koshipangelo kOnandjokwe ongulohi ndjoka yEtine lya zi ko sho ya mono oshiponga ngeyi.Okanona ka meme Rovisa oka lundululilwa kOshipangelo shEpangelo sha Shakati, omanga meme Helena a lundululilwa koshipangelo shOpaumwene sha Ngwediva, shoka, mOlyomakaya ga zi ko, she mu lundululile kOshipangelo sha MediCity kOvenduka meendelelo.Meme Rovisa oku li ngaa kOshipangelo sha Nandjokwe ta mono epango, omanga nee okanona ke ke li kwaashoka shEpangelo sha Shakati.Kepulo, tate Hishekwa okwa ti kutya meme Rovisa nokanona ke oye li po hwepo.Helena oye ashike ngaa, taku talika kehalo lya Kalaunga.Ohauto yaalongi, komatango lela ngoka gEtine lya zi ko, otaku tiwa kutya oya li tayi zilile kOndangwa yuuka lwokOshakati nOngwediva omanga Ololi ya li tayi zilile kondjila ya Shakati ya thinda lwokOndangwa.Kutya nee oshike naanaa sha ende po, iihauto mbika iyali lwopoThe System pOkapya mpoka, oyi idhenge omitse mumwe.Ololi tayi nyanyagula po oshipala shokahauto kaalongi hoka thiluthilu nokuka ninga iinyanyu.Aalongi mboka ya li komeho gokahauto hoka, unene omuhingi naamboka ya li ye mu egama, oya monithwa oshiponga oshinene noshi nyanyaleka noonkondo.Omuntu ito vulu okutala ko.The Namibian sho e ya po mpoka, okwa adha oshinima sha halakanna nayinayi, nomuntu ito vulu okutala ko.Yamwe ya li lwopopepi sho oshiponga tashi ningwa, otaya ti kutya shimwe shomiihauto mbika iyali osha fa sha li tashi kembadhala aniwa okuhenuka omuntu, ngoka a li ta taaguluka ondjila pokuma mpoka.Shoka itashi kolekwa natango, molwashoka Opolisi, kepulo, oya ti kutya sigo oompka kayi shi kutya oshike sha etitha oshiponga na opo tayi konaakona.Tate Hishekwa ota ti kutya oya adhika ye na Osumina onene, ano Obazaar onene ngeno mehuliloshiwike lya zi ko pOsikola yawo mpoka.Ya li tayi ningwa nelalakano lyokugongela oshimaliwa shokuhumitha komeho Osikola yawo, ngashi unene okutunga oongulu dhomihandjo molwashoka ndhoka ye na inadhi gwana naanona yamwe otaya mono iihuna kokwaapo koondjugo dhokukala nokulala.Yamwe haya lala ashike muupeleki wa dhikwa lwoposikola mpoka.Aalongi mbaka oya adhika nee ya uvanekelwa iikwaniipangitho yObazaar ndjika kookuume, kaanangeshefa nosho tuu koohandimwe noya adhika nee esiku ndjoka ye li metifa lyoku ke yi tala ko ye yi fale kOsikola opo ngeno ya tameke nale nombazaar yawo ndjika mEtitano lya zi ko yo tayi faalele ngeno ehuliloshiwike alihe ndjoka lya zi ko.Shika Kalunga ine shi pitika we.Tate Hishekwa ota ti kutya ngashi sho oshiponga sha ningwa, aalongisikola mbaka oya adhika ngeno ya thinda nziya koCoca Cola kOshakati, ya ka tale ko uunamunate wObazaar noshowo ngaa iilongithomwa yilwe mbyoka ya li ya uvanekelwa taya pewa kookuume kOsikola yawo mboka ye li lwokOoshakati nOongwediva hoka, opo yi igwedhe kwaashoka ye na po shokuningitha Obazaar yawo ndjika.”Otwa dhengwa nayi lela.pOsikola opwe ya omwaka omunene, itagu vulu okuthitikwa nuupu, molwashoka aalongi ayehe mboka ya si, oya li aalonhgi yElaka lyOshiingilisa nopwa hupa ashike gumwe sho tu li mpaka.”Ondi wete kutya nuumvo, aanona yetu itaya ka pita nawa Oshiingilisa.Otwa dhengwa nayi lela koshiponga shika, notu li ashike twa tala pombanda, ku Kalunga ketu” Hishekwa ta ti ngawo.Ohela
mOsoondaha oya li ye na Elongelokalunga pOsikola yawo mpoka, lya ningwa konima yOmambo.Tate Hishekwa ta ti kutya Elongelokalunga ndika olya ningwa molwokuhekeleka nokuhungomwenyo aanasikola, aalongi naavali mboka ya dhengwa pevi noonkondo keso lyaalongisikola mbaka.Ta ti kutya Oshituthidhimbulutho shawo otashi ka ningwa ngula mEtiyali pOsikola mpoka nElongekidho lyefumviko lyawo oli li metifa.Oshifo shetu otashi gandja omahekeleko koonakuthigwapo atuheni.