Aalongimina ya indile epangelo ekwatho

KONYALA aalongimina ye li 200 pomina ya Purity Manganese pOtjozondu oya eta omushangwa kOmuperesidende, Hifikepunje Pohamba, taya indile opo eya kwathele.Aaniilonga mbaka oya hala omuperesidende eya kwathe opo eindilo lyomuhona gwawo, omuIsraeali lyokulanda evi popepi nomina ndjika li ziminwe.Omuhona gwawo aniwa okwa li a ningi eindilo opo a lande evi pofaalama yi li pooha nomina ndjoka.Evi ndika ote ke li longitha opo a tunge po omagumbo gaaniilonga ye, noshowo omahumithokomeho galwe.

Ontumwafo indilo ndjika yanyolelwa oMinsita Yevi nOmatulululo, omusamane Alfeus !Naruseb, oya etwa kolupadhi kOmbelewa yOmuperesidende, oshiwike shayi, osho omuwiliki gumwe gwaPurity Manganese, Boris Bannai a lombwele oThe Namibia metiyali.Ontumwafo indilo yashainwa kaaniilonga 194, yopoondondo adhihe dhehangano ndika oya li woo ya falwa kombelewa yOminista onkuluntu, kwaandjoka yOminista yOomina, Yomavi, Yaaniilonga, Yiipindi nokoMinisteli Yomudhingoloko Nuupashiyoni, nahugunina okuuMinisteli Wiilonga.Oombalipa oonkwawo odha tuminwa kombelewa yondundanda hangano yooMina ya Namibia, noshowo kookomufala gwaaniilonga naangoka gwooMina, Bannai a gwedha ko.Montumwafo aaniilonga otaya ti oyu uvite kashili nawa sho Uuministeli womavi aniwa wa tindile ehangano lyawo naniilonga yalyo opo ya lande ehala ndyoka ya indile nenge ya hala okulanda, unene tuu shoka ndika ta li etele aaniilonga uuwanawa owindji.Pahapu dha Bannai, Purity Manganese okwa li a kundathana konyala uule womvula yimwe opo a lande evi lyoohectara 2 500 dhofaalama yi li popepi ya Ebenezer CC.Ehangano olya hala oku tunga omagumbo gaaniilonga noshowo ofabulika pehala ndyoka.Bannai okwa ti oonkundathana odha li dha ende nawa, sigo oompoka sho pwa ka holoka oontamanana pokati komuniilonga gumwe nomuwiliki gwehangano omuIsraeali, naashika osha fala sigo omekanka.Ehangano lya Purity Manganese olya tile ekanka ndyoka kalya li pampango, noshilanduli okwa li ehulithepo lyeuvathano pokati ka Purity Manganese, nehangano lyaaniilonga yOomina lya Namibia[MUN] shika osha eta opo aaniilonga ayehe kumwe 166 ya tidhwe miilonga.Etidho lyawo ota li kondjithwa mompangu pethimbo ndikaMombapila ya shangwa 24 Auguste 2009, !Naruseb okwa tseyithile Purity Manganese kutya eindilo lye okulanda evi pofaalama Ebenezer olya ndopa.Ombilive ndjoka oya shainwa ku, !Naruseb 2 Septemba 2009.!Naruseb okwa longitha okatendo 58[6]kompango Yuunamapya yomumvo 1995 meyamukulo lye keindilo lya Purity Manganese, a ti haka oke mu pa uuthemba opo a tinde okugandja uuthemba ku Purity Manganese iilandele evi ndyoka, molwaahoka, ehangano lyopondje yoshilongo. Purity Manganese okwa li taka landa po ofaalama ayihe ya Ebenezer ndjoka yina oohectara 2 572 802 mOtjozondjupa.Bannai okwa ti etokolo lyoMinista olya ningwa shi ikwatelela kuuyelele inaa u ihwapo, noshowo kuuyelele tawu pukitha.Amushanga gwa MUN, Bro Joseph Hengari okwa li moshigongi metiyali na ina vula okutya sha.Ontumwafo yaaniilonga oya ti Purity Manganese okwa hala oku ya ningila uuwanawa noshowo okuningila oshilongo uuwanawa ngele okwa pewa uuthemba a lande ehala ndika.Oya ti ishewe ehumokomeho ndyoka lya dhiladhilwa ota li ka eta po oompito odhindji dhiilonga.Ehangano ndika sigo oompaka olya longa shoka lya uvaneke na ota ka tsikila nokuhumitha komeho omina mpoka.Oya ti ka ye wete etompelo kutya omolwashike ehangano ndika li na oku kala inaa li pewa uuthemba opo li lande ehala ndyoka lya indile li lande.Oshoka shika ngele ina shi ningwa nena ota shi keya guma nayi.Minista !Naruseb ka li a monika opo a tye sha kushika, metiyali.