Aalongi yOokinda ya maashinga mOnooli nokunyenyeta

OMWAALU omunene gwaalongisikola yOokinde moNooli, Omaandaha ga zi ko oya ningi ehololomadhiladhilo moka taya pula Epangelo li kuthe ko Ookinda moshilongo kumwe naalongi yadho.

Taya ti kutya oya vulwa okwiiyamba noya hala nee Ookinda adhihe dhi tulwe mEpangelo opo ya kale haya futwa kEpangelo ngashi naanaa aalongisikola. Aalongi yOokinda, ano yIikunino mbaka, otaya ti kutya oya kala nokwiiyamba ethimbo ele noye wete kutya osha gwana Epangelo nali kuthe ko Oosikola dhIikunino kumwe nAalongi yadho meendelelo.”Otwa longa ethimbo ele itatu futwa.Tatu iyamba ashike.Natse wo otwa hala okutyapula emanguluko lyoshilongo shetu na itatu kala ashike tatu iyamba manga yakwetu taya tyapula emanguluko lyoshilongo moka natse twa kutha ombinga onene,” Omupresidende gwOpevi gwEhangano lyOokinda lyedhina Northern Namibia Pre-School Teachers Association (NNPTA) Joseph Nuukongo ta ti ngaaka.Ta gwedha ko kutya Aalongisikola yOokinda ayehe moNooli ya Namibia oye li meuvathano limwe kutya Ookinda nadhi ye mEpangelo yo aalongisikola yadho taya tuwa wo nayo mEpangelo.Oya li nee ye na omukanda gwawo moka ya shanga shoka ya hala shi ningwe po, ano moka ya holola omaudhigu nomaindilo gawo.Omukanda nguka oye gu leshele noku gu pa Kansela gwOshikandjohogololo sha Shakatiuzilo Loth Kuushomwa, ngoka e gu taamba ko pehala lya Ngoloneya gwOshitopolwa sha Shana Klemens Kashuupulwa, opo e ke gu pe Omupresidende Hifikepunye Pohamba nosho wo Oministeli yElongo.Epangelo olya tokola nale okweenda tali kutha ko Ookinda.Ashike shoka sha uvitha aalongisikola yOokinda nayi, oosho Epangelo li na omulandu gwokukutha aanona mboka ya enda nale mOosikola dhOokinda, lyo wo olya hala okulongitha aalongisikola mboka ye na oonzapo dhuulongi.Aalongisikola oyendji yOokinda pethimbo ndika, kaye na oonzapo dhuulongi noye wete nee kutya ngele nani Epangelo otali kutha ko Ookinda, nali tameke ashike naanona yopetameko lela, lyo wo li longithe ngaa ngeno aalongi mboka aakulu nonande inaya pita uulongi, (na kaye na oonzapo okuzilila kiiputudhilo yopombanda) yo ya ende ngaa nee tayi igwedhele ko ye li miilonga sigo taya pita nokumona oonzapo ngashi sha halika.Kansela Kuushomwa, mokutaamba ko omukanda gwawo gwomanyenyeto, okwa ti kutya ote ke gu gandja ku Ngoloneya Kashuupulwa, ngoka te ke gu tuma kOmupresidende nosho wo kOministeli yElongo.Mo Nooli, omu na Ookinda odhindji nosho wo aalongi ya dho oyendji lela.Sha yela kutya Epangelo oli na okudhiladhila oshinima shika muule nokuninga etokolo lya yela mu sho.Aalongi yOokinda mbaka, otaya ti yo itaya ka shuna nande omutse molukwe kombinga yeindilo lyawo ndika.Taya ti okwiiyamba, ka ku na mpoka taku ya fala.Onkee Epangelo nali konaakone muule eindilo lyawo ndika.*Ethano lyaalongi yOokinda pethimbo lyehololomadhiladhilo, tala kepandja eti 20.Aalongi yOokinda, ano yIikunino mbaka, otaya ti kutya oya kala nokwiiyamba ethimbo ele noye wete kutya osha gwana Epangelo nali kuthe ko Oosikola dhIikunino kumwe nAalongi yadho meendelelo.”Otwa longa ethimbo ele itatu futwa.Tatu iyamba ashike.Natse wo otwa hala okutyapula emanguluko lyoshilongo shetu na itatu kala ashike tatu iyamba manga yakwetu taya tyapula emanguluko lyoshilongo moka natse twa kutha ombinga onene,” Omupresidende gwOpevi gwEhangano lyOokinda lyedhina Northern Namibia Pre-School Teachers Association (NNPTA) Joseph Nuukongo ta ti ngaaka.Ta gwedha ko kutya Aalongisikola yOokinda ayehe moNooli ya Namibia oye li meuvathano limwe kutya Ookinda nadhi ye mEpangelo yo aalongisikola yadho taya tuwa wo nayo mEpangelo.Oya li nee ye na omukanda gwawo moka ya shanga shoka ya hala shi ningwe po, ano moka ya holola omaudhigu nomaindilo gawo.Omukanda nguka oye gu leshele noku gu pa Kansela gwOshikandjohogololo sha Shakatiuzilo Loth Kuushomwa, ngoka e gu taamba ko pehala lya Ngoloneya gwOshitopolwa sha Shana Klemens Kashuupulwa, opo e ke gu pe Omupresidende Hifikepunye Pohamba nosho wo Oministeli yElongo.Epangelo olya tokola nale okweenda tali kutha ko Ookinda.Ashike shoka sha uvitha aalongisikola yOokinda nayi, oosho Epangelo li na omulandu gwokukutha aanona mboka ya enda nale mOosikola dhOokinda, lyo wo olya hala okulongitha aalongisikola mboka ye na oonzapo dhuulongi.Aalongisikola oyendji yOokinda pethimbo ndika, kaye na oonzapo dhuulongi noye wete nee kutya ngele nani Epangelo otali kutha ko Ookinda, nali tameke ashike naanona yopetameko lela, lyo wo li longithe ngaa ngeno aalongi mboka aakulu nonande inaya pita uulongi, (na kaye na oonzapo okuzilila kiiputudhilo yopombanda) yo ya ende ngaa nee tayi igwedhele ko ye li miilonga sigo taya pita nokumona oonzapo ngashi sha halika.Kansela Kuushomwa, mokutaamba ko omukanda gwawo gwomanyenyeto, okwa ti kutya ote ke gu gandja ku Ngoloneya Kashuupulwa, ngoka te ke gu tuma kOmupresidende nosho wo kOministeli yElongo.Mo Nooli, omu na Ookinda odhindji nosho wo aalongi ya dho oyendji lela.Sha yela kutya Epangelo oli na okudhiladhila oshinima shika muule nokuninga etokolo lya yela mu sho.Aalongi yOokinda mbaka, otaya ti yo itaya ka shuna nande omutse molukwe kombinga yeindilo lyawo ndika.Taya ti okwiiyamba, ka ku na mpoka taku ya fala.Onkee Epangelo nali konaakone muule eindilo lyawo ndika.*Ethano lyaalongi yOokinda pethimbo lyehololomadhiladhilo, tala kepandja eti 20.