Aalondi yuuthanguthangu moVenduka ya dhimbiwa

MEMBO lyiimaliwa lyomumvo 2007-2008 oshilando sha Venduka osha li sha tula oodola omayovi 400 000 pooha okutameka omathaneko ge na sha nondjila yuuthanguthangu.

Kungame osheya po konima yokupopya noku indila shika andola shiningwe. Onda li nda dhiladhila kutya ndjika ondjodhi yatsa kutse mboka hatu longele Bicycling Empowerment Network Namibia(BENNamibia).Ombapila nyenyeto yomadhina gaantu oyendji moVenduka mwa kwatelwa noominista dhepangelo oya li ya gandjwa ku meya gwaVenduka, ngoka a li a popi sho eyi taamba kutya okulonda uthalata oyo onakuyiwa.Oku uva shika BEN Namibia okwa kongo eyambidhidho lyaagandji shali nelalakano opo ondjodhi ndjika yi ningwe yoshili.Omugandji shali gwokoNetherland okwa gandja ooEuro omayovi 40 000 muungomba okukwathela momathaneko goondjila dhuufalata moshilando sha Venduka.Iigwanahangano nayo oya li ya hala okweeta ayehe yagumwa koshinima ye,ye pamwe opo ya tameke oshinima shokutunga po oondjila dhuuthanguthangu moshilando.Aanuthanguthangu oya li ye na omukumo kutya ota shi kala sho tango, yo sho ta ya kala nokulonda uukambe wawo wiitenda nopwaana uumbanda wokupumwa kiiyenditho iikwawo mbyoka ta yi longitha ondjila.Uuwanawa owa li wa tegelelwa wu kale uunene kutya okomudhingoloko nenge okuundjolowele. Oshike sha ningwa? Omupya omunene ka pwa li nando eitulemo okulandula kutya omalongekidho gaawiliki yoshilando oga ya sigo openi.Oomvula mbali odha pitapo na oshinima shuumbasikela osha dhimbiwa, omanga aantu mboka ya hepa otaya tsikile nokulongitha iiyenditho mbyoka ya nika oshiponga, noshowo yina ondilo.Omwedhi nguka oshilando otashi kala shi na oshinakugwanithwa shoku kala nuudhano uunene muAfrica mboka tau eta pamwe aalondi mbasikela methigathano lyuumbasikela muAfrica. Shika ota shi kala ompito ombwanawa oku ulika oondjila dhoshilando oombwanawa. Ndele nee omupya omunene oongoka sho oshilando kaashina nando ondjila yimwe, yimwe ndjoka ha yi longithwa ashike kaanuuthanguthangu.Okamusinda okashona okuulika mpoka oombasikela tadhi ende osho etameko oku pa aanambasikela ompito na yo wo ya kale yu uvite kutya oya yalulwa ongaa longithi yondjila.Omandhindhiliko ngoka taga ulike kutya mpaka opehala lyoombasikela otashi kalundulula omaihumbato gaa hingi yiiyenditho opo ya ende nawa nokusimaneka aanambasikela. Iilonga iishona yatya ngeyi ota yi vulu okuya kwaambyoka iinene, tayi fala mengongopo lyototwampango yi na sha nuuthanguthangu..Ngele shika osha ningwa egamo lyaantu okudhiladhila kutya ombasikela ogwo omukalo gwombiliha gwokwiinyenga okuza pehala limwe okuya kekwawo ota li zipo nuupu.Omanga miilando oyindji muuyuni ngashingeyi aantu otaya longitha oombasikela oshoka shika osho oshinima tashi hupitha iilando okuyeleka niihauto.Ngaashi PARIS sha France omuntu oto vulu okufuta ombasikela ongo olupe lwosheenditho. Moshilando moka amuke omuna oombasikela dhi li 20 000.Mo New York otamu longwa ondjila yoombasikela yookilometa 1 500. London ota ka longitha oodola obiliona hamano shi nasha niiyenditho. Opwa itaalwa kutya oku kayila ombasikela oshili hwepo oshoka ota shi ngambeke olwithi luuzigo ndoka halu zigo paleke ewangandjo nokweeta elunduluko mombepo yuuyuni wetu.