Aalandithi yonyama oya hala ehala lya shewa

AANANGESHEFA yomomapandaanda mOshakati mboka ya kuthilwe pomahala gawo meti 5 Januari nuumvo nokutulwa konima yomatala ga Shakati oko ya kale taya shingithile iinima yawo manga aniwa Elelo lya Shakati tali ya kongele ehala limwe ewanawa, otaya nyenyeta kutya kehala hoka ya pewa kaku li nawa, okwa penga, kaku na ookastoma nandenande niinima yawo itayi landwa notayi olele ko ashike, unene ngashi onyama niikuliwa yilwe.

Otaya indile kElelo lya Shakati li ya shunithe pokamugongo kAambalantu mpoka ya li nale nenge puuninginino wa Piccadelly mOshakati moka, molwashoka mpoka otaya vulu okumona ookastoma nuupu ndhoka tadhi vulu okulanda po iinima yawo opo ya mone po oshimaliwa shokuhupa nasho yoyene naanamagumbo gawo nosho wo okufuta omayakulo ga Muni mOshakati noondjo dhawo kOmahangano ngashi ngoka gIipoleki ‘nOasuransi’. “Oonyama dhetu ngashi dhi li ngawo kadhi landwa we, omanga nale dha li hadhi landwa po tadhi pu po,” meme gumwe ta popi ngawo omanga gumwe ngoka ha landitha oombiila niinamunate ta ti kutya nayo mboka haya landitha iikunuwa nayo pethimbo ndika sho ya tembudhilwa mpoka, otaya nana nonandatu lela noonkondo.Taya ti kutya omolu iinima yawo itayi landwa we, omalusheno gawo komagumbo oshowo nomeya oga patwa ku Muni.Iipundi yawo oshowo iitaafula, omashofa nIipoleli yilwe yi ili otayi ilwa mo momagumbo molwashoka itaya vulu we oku yi futa.Ooasuransi dhawo nadho itaya vulu we oku dhi futa.Itaya vulu we okufuta Oosikola dhaanona yawo, okufuta iigandjwa yawo yOongeleka nosho tuu.Oongombe dhimwe oye dhi lya moondjo opo ye ke dhi fute ngele melanditho lyonyama yadho ya mono mo sha, ashike molwashoka kaya mona mo sha we, ano kapu na ngoka nenge mboka ye shi ko hoka ye li opo ye ya lande ohaya kala ashike mpoka taya mbutilwa koonyama dhawo molwashoka omalusheno komagumbo oga tetwa ko na ishewe kaye na we oshimaliwa shokulanda oohaasa.”Omuntu oto vulu okulanda nenge okukutha ongombe yoN$4800 nenge yoN$3 800 ashike sho to ya okulanditha onyama yayo mpaka twa tulwa ku Muni gwa Shakati, oto mono mo ashike nande N$100 nenge N$50 nonyama oyindji otayi yonuuka nokweekelwahi.Yakwetu otatu mono iihuna noonkondo katu na we onakuyiwa notatu indile Muni gwa Shakati, oshowo Elelo lya Shana, Gavena Klemens Kashuupulwa nEpangelo ye tu kwathele muupyakadhi wetu mbuka.Unene tuu tu kwathwe tu shune pOkagongo kAambalantu nenge tu tulwe poPiccadelly, puuninginin o wayo mpoka pokati kondjila ndjoka ya thinda kOkagongo kAambalantu noPiccadelly mpoka manga, manga Muni te tu kongele ehala ngashi etu uvanekela,” taya ti ngawo nokwiindila nee eindilo lyawo ndika li talwe nesimaneko enene noli taambiweko kElelo lya Shakati manga tali ya kongele ehala mpoka ye na okuya.Otaya ti kutya shoka sha yamukulilwe kOmunambelewa Omukuluntu gwElelo lya Shakati John Nghihepa kutya aalandithi yomomapaandaanda mboka ya kuthilwe pomahala gawo pokagongo kAambalantu nosho tuu oya tulwa momatala moka mu na yakwawo nale, hasho nande.Taya ti yo inaya tulwa momatala, ihe okonima yomatala hoka kaa ku na nande omaendelo.Kaku shiwike kookastoma dhawo niilandithomwa yawo kayi landwa po we nande.Oshinima shoka, taya ti kutya, she ya tula muudhigu uunene.Otaya ti kutya oyendji oye li momagumbo mwaa na aantu taya longo, na oyo ye li aahupithi yomagumbo gawo, ashike nee sho ya tidhwa ku Muni pomahala gawo gokungeshefela mpoka ya kala nale, noku ya eta hoka ye li ngashiingeyi kaku na we aalandi, oshe ya etela lela onkalo ombwinayi, onkalo yaa na we uuhupilo.Otaya lombwele The Namibian, kutya momapandaanda moka ya kala nale, oya li mo oyendji, nashi ya tembudhilwa konima yomatala, oyendji oya shuna momagumbo gawo nokukala moka yaa na sho taya longo nokaye na we oshimaliwa shokufuta sha, ngashi sha tumbulwa metetekelo.Taya ti kutya nomahala ngoka taya landithile po ngashiingeyi, ohaye ga futu Oodola omilongohamano nasha, ashikle nee sho itaya mono po sha we pomahala mpoka noshimaliwa shoka oye wete kutya itaya ka vula we okushi futa.”Ngele Muni i te tu kwathele muupyakadhi wetu mbuka, nena otatu kiiyadha tu li komagumbo getu, itatu longo sha.Kaatu na we iiyemo yasha.Tatu sile ko ondjala kumwe naanona naanamagumbo getu, wo wo uunona wetu itau yi kOosikola, omanga twa kuthwa omaliko getu kwaamboka tu na oondjo dhawo, no katu na we Ooasuransi dhetu, tse wo itatu futu we omeya nomalusheno ga Muni nosho tuu,” taya ti ngawo nokwiindila kEpangelo ya kwathelwe muupyakadhi wawo mbuka omunene wu vule poonkondo dhawo.”Oonyama dhetu ngashi dhi li ngawo kadhi landwa we, omanga nale dha li hadhi landwa po tadhi pu po,” meme gumwe ta popi ngawo omanga gumwe ngoka ha landitha oombiila niinamunate ta ti kutya nayo mboka haya landitha iikunuwa nayo pethimbo ndika sho ya tembudhilwa mpoka, otaya nana nonandatu lela noonkondo.Taya ti kutya omolu iinima yawo itayi landwa we, omalusheno gawo komagumbo oshowo nomeya oga patwa ku Muni.Iipundi yawo oshowo iitaafula, omashofa nIipoleli yilwe yi ili otayi ilwa mo momagumbo molwashoka itaya vulu we oku yi futa.Ooasuransi dhawo nadho itaya vulu we oku dhi futa.Itaya vulu we okufuta Oosikola dhaanona yawo, okufuta iigandjwa yawo yOongeleka nosho tuu.Oongombe dhimwe oye dhi lya moondjo opo ye ke dhi fute ngele melanditho lyonyama yadho ya mono mo sha, ashike molwashoka kaya mona mo sha we, ano kapu na ngoka nenge mboka ye shi ko hoka ye li opo ye ya lande ohaya kala ashike mpoka taya mbutilwa koonyama dhawo molwashoka omalusheno komagumbo oga tetwa ko na ishewe kaye na we oshimaliwa shokulanda oohaasa.”Omuntu oto vulu okulanda nenge okukutha ongombe yoN$4800 nenge yoN$3 800 ashike sho to ya okulanditha onyama yayo mpaka twa tulwa ku Muni gwa Shakati, oto mono mo ashike nande N$100 nenge N$50 nonyama oyindji otayi yonuuka nokweekelwahi.Yakwetu otatu mono iihuna noonkondo katu na we onakuyiwa notatu indile Muni gwa Shakati, oshowo Elelo lya Shana, Gavena Klemens Kashuupulwa nEpangelo ye tu kwathele muupyakadhi wetu mbuka.Unene tuu tu kwathwe tu shune pOkagongo kAambalantu nenge tu tulwe poPiccadelly, puuninginin o wayo mpoka pokati kondjila ndjoka ya thinda kOkagongo kAambalantu noPiccadelly mpoka manga, manga Muni te tu kongele ehala ngashi etu uvanekela,” taya ti ngawo nokwiindila nee eindilo lyawo ndika li talwe nesimaneko enene noli taambiweko kElelo lya Shakati manga tali ya kongele ehala mpoka ye na okuya.Otaya ti kutya shoka sha yamukulilwe kOmunambelewa Omukuluntu gwElelo lya Shakati John Nghihepa kutya aalandithi yomomapaandaanda mboka ya kuthilwe pomahala gawo pokagongo kAambalantu nosho tuu oya tulwa momatala moka mu na yakwawo nale, hasho nande.Taya ti yo inaya tulwa momatala, ihe okonima yomatala hoka kaa ku na nande omaendelo.Kaku shiwike kookastoma dhawo niilandithomwa yawo kayi landwa po we nande.Oshinima shoka, taya ti kutya, she ya tula muudhigu uunene.Otaya ti kutya oyendji oye li momagumbo mwaa na aantu taya longo, na oyo ye li aahupithi yomagumbo gawo, ashike nee sho ya tidhwa ku Muni pomahala gawo gokungeshefela mpoka ya kala nale, noku ya eta hoka ye li ngashiingeyi kaku na we aalandi, oshe ya etela lela onkalo ombwinayi, onkalo yaa na we uuhupilo.Otaya lombwele The Namibian, kutya momapandaanda moka ya kala nale, oya li mo oyendji, nashi ya tembudhilwa konima yomatala, oyendji oya shuna momagumbo gawo nokukala moka yaa na sho taya longo nokaye na we oshimaliwa shokufuta sha, ngashi sha tumbulwa metetekelo.Taya ti kutya nomahala ngoka taya landithile po ngashiingeyi, ohaye ga futu Oodola omilongohamano nasha, ashikle nee sho itaya mono po sha we pomahala mpoka noshimaliwa shoka oye wete kutya itaya ka vula we okushi futa.”Ngele Muni i te tu kwathele muupyakadhi wetu mbuka, nena otatu kiiyadha tu li komagumbo getu, itatu longo sha.Kaatu na we iiyemo yasha.Tatu sile ko ondjala kumwe naanona naanamagumbo getu, wo wo uunona wetu itau yi kOosikola, omanga twa kuthwa omaliko getu kwaamboka tu na oondjo dhawo, no katu na we Ooasuransi dhetu, tse wo itatu futu we omeya nomalusheno ga Muni nosho tuu,” taya ti ngawo nokwiindila kEpangelo ya kwathelwe muupyakadhi wawo mbuka omunene wu vule poonkondo dhawo.