Aakwiita oya ka landele oombautu dhiita

OKUKALANDA oombautu dhiita koBrazil ka kwa li ompito yefudho koshilongo hoka.

Ominista yEgameno omusamane, Charles Namoloh okwa ti a popi ndhika sho a yamukula kepulo lyaMcHenry Venaani ngoka a pula ngele mboka ya ka landele oombautu ndhika oya fa ashike ya yile kefudho lyopaumwene koBrazil.Namoloh okwa ti iimaliwa ayihe ya longithwa okulanda, sha kwatelamo nokweenditha oombautu ndhika oku dhi eta koNamibia ota yi ka tseyika ashike ngele oshinakugwanithwa shokulanda iipumbiwa mbika okwa pu thiluthilu.Namoloh okwa ti ombautu yedhina NS Brendan Simbwaye oya thanekwa nokutungwa kehangano lyedhina Empresa Gerencial Projetos Navis(EMEGPRON).Venaani okwa pulile Namoloh ngele iilyo yetanga lyomomeya lyaNamibia oya li mefudho koBrazil pethimbo ya ka landele oombautu ndhika nongele Uuministeli wEgameno owa ningapo omakonakono kombinga yoshinima shika.’Kandina uuyelele wa sha kombinga yefudho lyopaumwene lyaakwiita koBrazil lya ningwa komunambelewa nenge kaanambelewa yomoshikondo shandje, Na kapena ekonakono lya sha ta li ningwa kombinga yaashika,’omusamane Naholo ta ti.’Omukalondjigilile ogo nguka kutya olweendo ndoka lwa ningwa opethimbo ndyoka aakwiita ya ka tala ombautu ndjika nkene ta yi longo nongele oyi na tuu iipumbiwa ayihe pamuthika gwa Namibia. Shika oye shi ningi sho ya yi, ya ka tale ombautu ndjoka okuza koBrazil.Epangelo olya ningi euvathano pamwe na Brazil 2004 oku landa oombautu dhiita ,NS Brendan Simbwaye nuumbautu wokupatolola uyali.Ombautu Brendan Simbwaye oya tu lilwe miilonga muJni nuumvo.