Aakwati yoohi ota ya hogolola metitano

OSHIKANDO shotango mondjokonona yoshilongo aakwati yoohi noshowo aayendifuta yalwe ota ya ka hogolola metitano.Aahogololi mbaka ota ya pewa ompito ndjika ya hogolole oshoka ota shi vulika kaaya hogolole pethimbo lyomahogololo pehulilo lyomwedhi nguka molwaashoka ota shi vulika ya kale yeli miilonga mefuta pethimbo ndyoka.

Oonakuhogolola mbaka ota ya hogolola pomahala gashewa mOmbaye noshowo pOlindili metitano ,oku za poheyali yongula sigo opumugoyi gwongulohi esiku ndyoka.’Esiku ndika lyomahogololo olya tulwa po pampango molwa aakwati yoohi naalongi yomomeya.’pahapu dha ndohotola, Rukee Tjingaete gwoKomisi yomahogololo ya Namibia.Mboka ya kwatelwa maahogololi oyo aaniilonga yoombautu dhoohi, aataleli yoohi, mboka ta ya dhika ye li miilonga mesiku lyo 27 no 28 ga Novemba nuumvo.Omuhogololi omuNamibia ngoka itaa piti mokuhogolola huka ndele okwa hala okufukila, ota shi vulika a monike ondjo no ta ka landulwa pampango.Pa hokololo lya ECN uumbapilahogololo niinima yilwe oya tumwa nale koMbaye noLindili.Aanambelewa mboka taya kwatele omahogololo komeho oya dheulwa nale okulonga iilonga mbika.Omahogololo ota ga ningwa poKuiseb Communtiy hall no po KuisebCompound Hall,moMbaye nomoLindili opo hostela yosikola yaaNdowishi.