AakwaShikongo mOngandjera taya yekwa epya lyawo

K UKU Loide Shikongo gwoomvula 63, omushelekadhi gwa nakusa Aron Shikongo momukunda Uukwamatsi popepi nOkahao mOngandjera okwa geela Elelo lya Ngandjera sho lya gandja po epya lyomonamati gwawo Paulus Shikongo, lye li gandja po aniwa ku Abiatar Josef, a tseyika nawa nedhina Kalambuka.

Kalambuka okwa li ashike Omukalelipo gwa Aron Shikongo omathimbo ngoka ga zi ko. Kuku Loide Shikongo okwa li e ya kOshifo shika omasiku ngaka ga zi ko pamwe nomonakadhona Magano Shikongo taya hokolola uudhigu mbuka.Kuku Loide ta ti omanga omusamane gwe Aron ina mana oondjenda meti 21 Mei 2001, okwa li a kokola po oshikokola shepya sheegama egumbo lyawo, e shi kokola po momumvo 1976.Manga ina mana oondjenda okwe shi popi noku shi shanga membo lyEtestamendi lye kutya ngele okwa si, oshikokola shoka, oshomwanamati Paulus ya Shikongo, ngoka a thiga wo a hokana na meme Kaia.Nakusa tate Aron Shikongo otaku tiwa kutya okwa li gumwe gwomAawiliki aanene yaNgandjera nokwa li nee e na aamati ye mu kalela po.Gumwe gwomaamati mboka ya li ye mu kalela po otaku tiwa kutya oye ne Abiatar Josef (Kalambuka) noya li nee ya kala moshikokola moka.Sho tate Shikongo a mana oondjenda dhe ngawo, niilonga yawo ngeno oya hula po noya li ye na okukiikongela omahala gawo.Oyendji, meme Loide ota hokolola kutya osho ya ningi, na Kalambuka osho wo a ningi.E kiikongela ehala lye komakuti hoka nokwa laleke meme Loide kutya ye otayi kokuti hoka a kokola egumbo nepya lye.Omanga nee Paulus ti ilongekidha okuya mepya lye moka, a ka lime, okwa papala Kalambuka ta ti ita zi mo we molwashoka okwa lombwelwa kuyamwe yomezimo lya nakusa kutya ina za mo we.Ekondjelo lyepa osho lya tameke ngeyi omvula 2004.Kuku Loide ota lombwele The Namibian kutya ngoka aniwa a lombwele Kalambuka ngawo omumwayina gwa nakusa Aron, David Shikongo yo na Lameck Iithete.”Otwa haluka noonkondo notwa yi tu ka mone elenga enene lyetu tatekulu Petrus Kathingo, ngoka a ti kutya naye ke shi uvite ko, osha nika uulingilingi, unene tuu sho taku taagulukwa elaka lya nakusa, e li shanga nokuli membo lyuuthiga.Otwa yi kOmbala, hoka wo twa lombwelwa kutya David, ngoka oye ta topola uuthiga wa mumwayina nakusa tate Aron Shikongo okwa ti epya ndjoka olya Kalambuka.Elelo alihe otwe li mono kutya olya gama ku David notwa tokola tu ye kOmbelewa yEhangano lyUuthemba wOmuntu lyOpashigwana kOshakati nokuhokolola uudhigu wetu,” Kuku Loide ta hokolola ngeyi.Ta gwedha po kutya Uuthemba wOmuntu nawo wo owe shi tala ko kashi li pauyuki sho Paulus ta kuthwa epya lye ngawo nowa shangele ombapila kElenga lyawo tatekulu Paulus Kathingo, ngoka pa kuku Loide, lya kala tali holama oshinima shika.Kuku Loide ta tsikile ta ti meti 28 Septemba 2005 Aanambelewa yUuthemba wOmuntu pamwe nOokuku Loide oya gongala nElelo lya Ngandjera pOkahao moka Uuthemba wOmuntu wa lombwele Elelo kutya wo owu wete kutya epya ndjoka olya Paulus.Nande ongaaka, kuku Loide ota ti kutya Elelo lyoshilongo olya kala lya thikama mpoka kutya epya ndjoka olya Kalambuka, kali shi lya Paulus.”Oshigongi osha halakana pwaa na euvathano,” kuku Shikongo ta ti ngawo nokutsikilako ta ti kutya omathimbo agehe ngoka taya gongala Kalambuka ina kala po, okwa kala a fa a lombwelwa kutya ye ine ya ko kiihokolola.Meti 26 Oktoba 2005, Uuthemba wOmuntu natango owa gongala nElelo lyoshilongo nookuku Loide mOmbelewa yElelo lyOshilongo pOkahao.Uuthemba wOmuntu natango tau shi endulula kutya epya ndjoka olya Paulus.Ashike natango omalenga, kuku Loide, ota ti kutya oge shi tindi nokuthiminika mpoka kutya epya olya Abiatar.Taku tokolwa kutya naya galuke ishewe meti 23 November 2005.Sho ya gongala nElelo natango pOkahao mpoka, uumbangi auhe wa kuku Loide owa ekelwahi kElelo.Tali ti aniwa kutya Kalambuka naye okwa kala po puyo nomepya moka ethimbo ele, onkee okwa gwana okupewa epya ndjoka lela.Abiatar Josef, ano Kalambuka nguka naye okwa hokana nomukulukadhi gwe meme Selma.Kuku Loide ota ti kutya pokuma opu na wo na tatekulu Paulus Amutenya, ngoka oye a kala naanaa nanakusa tate Aron Shikongo nokwa lombwelwa ayihe kuye, ano ku nakusa, mwa kwatelwa nepya ndjoka kutya olya Paulus.Nande ongawo, kuku Loide ota ti kutya David nElelo lya Ngandjera inaya hala okupwaakena sho tatekulu Amutenya ta popi shi na sha noshinima shika.”Oshinima osho shi li ngawo, tatu yekwa epya lyetu naanaandje kElelo lyoshilongo na David, ashike tse otatu tsikile nokupula ekwatho moshigwana nokEpangelo moshinima shika kaashi li pauyuki nandenande.Unene tuu sho newi lya nakusa, omusamane gwandje Aron, ndyoka e li shanga membo lye lyuuthiga nokuli kutya epya olyomwana Paulus, tali endwa pomunkulo,” kuku Loide Shikongo ta ti ngawo neyeme nokugwedha po wo ta ti kutya nOmbelewa yUuthemba wOmuntu nayo oya ti itayi kotha omanga oshinima shika inashi yela mo nawa.Oshifo osha li sha ninga onkembadhala yokumonathana nElelo lyoshilongo sha Ngandjera, ashike osha li oshidhigu okumonauuyelele, unene tuu ku Amushanga gwElelolyoshilongo, ngoka a gadja ashike edhina lye kutya oye Esther, nOfani ye ka l i a hala oku yi pa Oshifo shika.Ashike okwa lombwele Oshifo shika kutya Omupopiliko gwElelo lyoshilongo oye tatekulu Elenga enene Sackeus Shikongo, ngoka a ti kutya ye ke shi kutya oku lipeni, pethimbo ndjoka.Onkee ano Oshifo inashi vula okumona okomenda yasha kElelo lyoshilongo moshinima shika.Amushanga gwElelo lyoshilongo sha Ngandjera, meme Esther nguka okwa ti ye iha kala momutumba sho taku kundathanwa oshinima shoka, onkene ke shi ko sha kusho.Kuku Loide Shikongo okwa li e ya kOshifo shika omasiku ngaka ga zi ko pamwe nomonakadhona Magano Shikongo taya hokolola uudhigu mbuka.Kuku Loide ta ti omanga omusamane gwe Aron ina mana oondjenda meti 21 Mei 2001, okwa li a kokola po oshikokola shepya sheegama egumbo lyawo, e shi kokola po momumvo 1976.Manga ina mana oondjenda okwe shi popi noku shi shanga membo lyEtestamendi lye kutya ngele okwa si, oshikokola shoka, oshomwanamati Paulus ya Shikongo, ngoka a thiga wo a hokana na meme Kaia. Nakusa tate Aron Shikongo otaku tiwa kutya okwa li gumwe gwomAawiliki aanene yaNgandjera nokwa li nee e na aamati ye mu kalela po.Gumwe gwomaamati mboka ya li ye mu kalela po otaku tiwa kutya oye ne Abiatar Josef (Kalambuka) noya li nee ya kala moshikokola moka.Sho tate Shikongo a mana oondjenda dhe ngawo, niilonga yawo ngeno oya hula po noya li ye na okukiikongela omahala gawo.Oyendji, meme Loide ota hokolola kutya osho ya ningi, na Kalambuka osho wo a ningi.E kiikongela ehala lye komakuti hoka nokwa laleke meme Loide kutya ye otayi kokuti hoka a kokola egumbo nepya lye.Omanga nee Paulus ti ilongekidha okuya mepya lye moka, a ka lime, okwa papala Kalambuka ta ti ita zi mo we molwashoka okwa lombwelwa kuyamwe yomezimo lya nakusa kutya ina za mo we.Ekondjelo lyepa osho lya tameke ngeyi omvula 2004.Kuku Loide ota lombwele The Namibian kutya ngoka aniwa a lombwele Kalambuka ngawo omumwayina gwa nakusa Aron, David Shikongo yo na Lameck Iithete.”Otwa haluka noonkondo notwa yi tu ka mone elenga enene lyetu tatekulu Petrus Kathingo, ngoka a ti kutya naye ke shi uvite ko, osha nika uulingilingi, unene tuu sho taku taagulukwa elaka lya nakusa, e li shanga nokuli membo lyuuthiga.Otwa yi kOmbala, hoka wo twa lombwelwa kutya David, ngoka oye ta topola uuthiga wa mumwayina nakusa tate Aron Shikongo okwa ti epya ndjoka olya Kalambuka.Elelo alihe otwe li mono kutya olya gama ku David notwa tokola tu ye kOmbelewa yEhangano lyUuthemba wOmuntu lyOpashigwana kOshakati nokuhokolola uudhigu wetu,” Kuku Loide ta hokolola ngeyi.Ta gwedha po kutya Uuthemba wOmuntu nawo wo owe shi tala ko kashi li pauyuki sho Paulus ta kuthwa epya lye ngawo nowa shangele ombapila kElenga lyawo tatekulu Paulus Kathingo, ngoka pa kuku Loide, lya kala tali holama oshinima shika.Kuku Loide ta tsikile ta ti meti 28 Septemba 2005 Aanambelewa yUuthemba wOmuntu pamwe nOokuku Loide oya gongala nElelo lya Ngandjera pOkahao moka Uuthemba wOmuntu wa lombwele Elelo kutya wo owu wete kutya epya ndjoka olya Paulus.Nande ongaaka, kuku Loide ota ti kutya Elelo lyoshilongo olya kala lya thikama mpoka kutya epya ndjoka olya Kalambuka, kali shi lya Paulus.”Oshigongi osha halakana pwaa na euvathano,” kuku Shikongo ta ti ngawo nokutsikilako ta ti kutya omathimbo agehe ngoka taya gongala Kalambuka ina kala po, okwa kala a fa a lombwelwa kutya ye ine ya ko kiihokolola.Meti 26 Oktoba 2005, Uuthemba wOmuntu natango owa gongala nElelo lyoshilongo nookuku Loide mOmbelewa yElelo lyOshilongo pOkahao.Uuthemba wOmuntu natango tau shi endulula kutya epya ndjoka olya Paulus.Ashike natango omalenga, kuku Loide, ota ti kutya oge shi tindi nokuthiminika mpoka kutya epya olya Abiatar.Taku tokolwa kutya naya galuke ishewe meti 23 November 2005.Sho ya gongala nElelo natango pOkahao mpoka, uumbangi auhe wa kuku Loide owa ekelwahi kElelo.Tali ti aniwa kutya Kalambuka naye okwa kala po puyo nomepya moka ethimbo ele, onkee okwa gwana okupewa epya ndjoka lela.Abiatar Josef, ano Kalambuka nguka naye okwa hokana nomukulukadhi gwe meme Selma.Kuku Loide ota ti kutya pokuma opu na wo na tatekulu Paulus Amutenya, ngoka oye a kala naanaa nanakusa tate Aron Shikongo nokwa lombwelwa ayihe kuye, ano ku nakusa, mwa kwatelwa nepya ndjoka kutya olya Paulus.Nande ongawo, kuku Loide ota ti kutya David nElelo lya Ngandjera inaya hala okupwaakena sho tatekulu Amutenya ta popi shi na sha noshinima shika.”Oshinima osho shi li ngawo, tatu yekwa epya lyetu naanaandje kElelo lyoshilongo na David, ashike tse otatu tsikile nokupula ekwatho moshigwana nokEpangelo moshinima shika kaashi li pauyuki nandenande.Unene tuu sho newi lya nakusa, omusamane gwandje Aron, ndyoka e li shanga membo lye lyuuthiga nokuli kutya epya olyomwana Paulus, tali endwa pomunkulo,” kuku Loide Shikongo ta ti ngawo neyeme nokugwedha po wo ta ti kutya nOmbelewa yUuthemba wOmuntu nayo oya ti itayi kotha omanga oshinima shika inashi yela mo nawa.Oshifo osha li sha ninga onkembadhala yokumonathana nElelo lyoshilongo sha Ngandjera, ashike osha li oshidhigu okumonauuyelele, unene tuu ku Amushanga gwElelolyoshilongo, ngoka a gadja ashike edhina lye kutya oye Esther, nOfani ye ka l i a hala oku yi pa Oshifo shika.Ashike okwa lombwele Oshifo shika kutya Omupopiliko gwElelo lyoshilongo oye tatekulu Elenga enene Sackeus Shikongo, ngoka a ti kutya ye ke shi kutya oku lipeni, pethimbo ndjoka.Onkee ano Oshifo inashi vula okumona okomenda yasha kElelo lyoshilongo moshinima shika.Amushanga gwElelo lyoshilongo sha Ngandjera, meme Esther nguka okwa ti ye iha kala momutumba sho taku kundathanwa oshinima shoka, onkene ke shi ko sha kusho.