AMUSHANGA gwopashitopolwa mOhangwena gwongundu yoRDP, okwa tindi omapopyo kutya aayambidhidhi yongundu ye oya tetepo omuti gwOmuye, moka aniwa mwa li mwa dhanenwa oshituthi shesindano kaayambidhidhi yoSwapo, konima sho ongundu ndjika oyo ya igidhwa kokommissi yomahogololo oyo ya sindana.
Timo Shikongo okwa ti shika ina shi ningwa.Okwe shi, ti, ta yamukula epopyo lya amushanga gwo Swapo, mee, Pendukeni Iivula Ithana ngoka a li a ti aayambidhidhi yo RDP aniwa oya tete po omuti gwomuye pomukunda Omafo popepi noshilando shaHelao Nafidi, konima yehogololo omumvo gwa yi.Okwa ti aniwa iilyo yo RDP oya fululukile momuye ngoka nokugu tetapo pethimbo lyuusiku.Shikongo okwa ekelehi omupopyo nguka gwa Iivula Ithana, nokweguluku, epiyagano lyopapolitika.’Iilyo yo RDP ka yi na esiku ya tetelepo omuye pOmafo, ye okwa pukithwa nenge okwa pewa uuyelele wa puka.’ Shikongo ta gwedha ko.Okwa ti mwene gwehala oye a tete ko iitayi yimwe komuti ngoka omanga a li ta nenepeke ongeshefa.Mwene gwehala, Inge Nambinga, okwa lombwele oNampa kutya ye okwa li a hala okukuthamo ,omuti nguka opo a mone po ehala lyo kuhumitha komeho ongeshefa ye, na ine gu teta molwa opolitika yongandi.Sigo ometitatu otaku tiwa omuti ngoka ogwa li natango gwa thikama. -Nampa
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
