Aakwashigwana ya loloka iimbuluma pOkaiti

O NGUNDU yaakwashigwana poKeetmanshoop oya li ya nyanya mo mEtine lya zi ko ye li ompinge nedhipago lyomukwadhigwana gwawo, Kilius Ngesheya, ngoka a dhengwa sigo omeso ongulohi yOmaandaha goshiwike sha zi ko.

Omapulakata goonakuninga ehololomadhiladhilo ndika gamwe oga li ga shangwa ngeyi: ‘Aadhipagi naakwati yeenkonga, ohaya pewa oohahende oshali’, Ashike ngele owa yaka oshikombo, oto pewa oomvula 25 konima yekumba’. ‘Ngashiingeyi oompangu odha ninga uudhano.’ Edhipago ndika olya li lya ningilwa pofaalama yimwe yi li moshitopolwa sha Kaalvlakte moshitopolwa sha Bethanie.Omufekelwa gwedhina Marius Thomas okwa li a dhitikwa oshiwike sha zi ko shi na sha nedhipago lya Ngeshaya.Pethimbo ta gandja omukanda gwawo gwomanyenyeto komukuluntu gwoshikondo shOomengestrata moshitopolwa sha Karas na Hardap, Alfred Siboleka, Omusita Elia Ndishishi okwa nyana omadhipago ngoka ga kala nokwiindjipala mondoolopa ndjoka omathimbo ga zi ko.Ndishishi okwa popi wo kutya okwi ikwata onkalo kombinga yuukwamuhoko mboka ta popi kutya owa vuka unene mondoolopa ndjoka.Ina yelitha nee ngele edhipago ndika olya etwa kuukwamuhoko mboka ta popi.Pethimbo ta taamba omukanda gwawo gwomanyenyeto, Siboleka okwa popi kutya omuntu kehe ngoka ta ka monika ondjo shi na sha nuukiliminola, ota ka taalela egeelo lyoveta.”Otandi londodha mboka inaya hala ombili notaya kutha nokuli aantu oomwenyo, kutya kapu na nando omalimbililo kutya otaya ka taalela omusika,” ta popi ngaaka.Shika oshikando oshitiyali aakwashigwana mondoolopa ndjoka taya ningi ehololomadhiladhilo tali kondema omadhipago muule womasiku ga vulithe pomwedhi.’Ngashiingeyi oompangu odha ninga uudhano.’ Edhipago ndika olya li lya ningilwa pofaalama yimwe yi li moshitopolwa sha Kaalvlakte moshitopolwa sha Bethanie.Omufekelwa gwedhina Marius Thomas okwa li a dhitikwa oshiwike sha zi ko shi na sha nedhipago lya Ngeshaya.Pethimbo ta gandja omukanda gwawo gwomanyenyeto komukuluntu gwoshikondo shOomengestrata moshitopolwa sha Karas na Hardap, Alfred Siboleka, Omusita Elia Ndishishi okwa nyana omadhipago ngoka ga kala nokwiindjipala mondoolopa ndjoka omathimbo ga zi ko.Ndishishi okwa popi wo kutya okwi ikwata onkalo kombinga yuukwamuhoko mboka ta popi kutya owa vuka unene mondoolopa ndjoka.Ina yelitha nee ngele edhipago ndika olya etwa kuukwamuhoko mboka ta popi.Pethimbo ta taamba omukanda gwawo gwomanyenyeto, Siboleka okwa popi kutya omuntu kehe ngoka ta ka monika ondjo shi na sha nuukiliminola, ota ka taalela egeelo lyoveta.”Otandi londodha mboka inaya hala ombili notaya kutha nokuli aantu oomwenyo, kutya kapu na nando omalimbililo kutya otaya ka taalela omusika,” ta popi ngaaka.Shika oshikando oshitiyali aakwashigwana mondoolopa ndjoka taya ningi ehololomadhiladhilo tali kondema omadhipago muule womasiku ga vulithe pomwedhi.