Aakwankala ya Kalahari ya tindilwa omeya

E PANGELO lya Botswana olya keelele Aakwankala yomokuti kaaya longithe omeya gomomboola ndjoka yi li moshitopolwa shehala lya gamenwa shopondingandinga ya Kalahari nenge tutye Central Kalahari Game Reserve (CKGR), ehangano lyuuthemba womuntu mu London lyadhina Survival International ta li popi ngaaka.

Omuleli gwAakwankala mboka okwa li a yi ku London oshiwike sha zi ko opo a ka ninge ehololomadhiladhilo li li ompinge nokukeelelwa kwawo omeya moshitopolwa shoka, ehangano tali popi. “Omumbelewa yomupopili-Ndjayi gwEpangelo mu Botswana okwa li a shangele kaanaveta yaakwankala moka e ya lombwele kutya eindilo lyawo okupewa epitikilo okulongitha omeya okuza momboola moshitopolwa sha CKGR ina li ziminwa,” Omupopiliko gwehangano lya Survival International, Miriam Ross ta popi ngaaka.Ompangu yOpombanda mu Botswana oya li ya gandja elombwelo kutya aakwankala oye na uuthemba okushuna mehala lyawo, nekutho mo lyawo lyopambili mehala ndika mo 2002 ka lya li pauyuuki.Jumanda Gakelebone gwehangano lyaakwankala lyedhina First People of the Kalahari okwa popi ta ti; “Ompangu oyetu lombwele otatu vulu okushuna mehala lyetu, ashike ngashiingeyi epangelo otali kambadhala okuninga kehe shimwe opo li tu sitope okukala mehala ndyoka,” ta popi ishewe ngaaka.”Omumbelewa yomupopili-Ndjayi gwEpangelo mu Botswana okwa li a shangele kaanaveta yaakwankala moka e ya lombwele kutya eindilo lyawo okupewa epitikilo okulongitha omeya okuza momboola moshitopolwa sha CKGR ina li ziminwa,” Omupopiliko gwehangano lya Survival International, Miriam Ross ta popi ngaaka.Ompangu yOpombanda mu Botswana oya li ya gandja elombwelo kutya aakwankala oye na uuthemba okushuna mehala lyawo, nekutho mo lyawo lyopambili mehala ndika mo 2002 ka lya li pauyuuki.Jumanda Gakelebone gwehangano lyaakwankala lyedhina First People of the Kalahari okwa popi ta ti; “Ompangu oyetu lombwele otatu vulu okushuna mehala lyetu, ashike ngashiingeyi epangelo otali kambadhala okuninga kehe shimwe opo li tu sitope okukala mehala ndyoka,” ta popi ishewe ngaaka.