Aakwaniilwa mOnooli ya kundathana uundingosho

A AKWANIILWA nOmalenga mOnooli, oya gongalele mEtiyali mOshakati nokukundathana iinima oyindji ya pamba iilonga yawo mokati koshigwana, na unene tuu oya kundathana oshinima shepato lyoondingosho shoka omasiku ga zi ko sha li sha halutha oyendji nokweeta wo omapopyo nomalaka gatsa gu uka maawiliki moka.

Omupopiliko gwOmalelo gOpamuthigululwakalo gahetatu mOnooli, Elenga enene Boas Mweendeleli, okwa koleke kOshifo shika kutya shimwe shomiikundathanwa moshigongi shawo, okugandja ethanekolombwelo kEpangelo kutya yo oya hala oshinima shoondingosho mIitopolwa yawo shi kale ngiini. Oveta yOmalovu yomumvo 1998 noya tulwa miilonga mo 2002 lwaampoka, inayi gandja oonkondo kAawiliki yOpamuthigululwakalo ya kale haya gandja Oombapila dhomalanditho gomalovu, ngashi Oombiila nomakende omalulu gopashitiligane, mIitopolwa yawo moka.Ashike otaya vulu okugandja oombapila dhokungeshefa niishingithomwa yilwe yi ili, kayi shi omalovu ngoka.Moondoolopa wo, Oveta ndjoka inayi gandja oonkondo kOmalelo gOondoolopa, ga kale ge na oonkondo dhokugandja oombapila dhokushingitha omalovu ngoka kaashingithi yomomapandaanda nomOmatala moka.Nonando Oveta ndjika ya ya miilonga mo 2002, aanuundingosho momikunda moka nosho wo aalandithi momapandaanda, oya kala ashike taya landitha omalovu kehe yaa na oombapila dhokulanditha omalovu ngoka paveta ndjoka yomumvo 1998.Metitano, pwa pita iiwike iyali ngashingeyi, Epangelo olya gandja elombwelo kOpolisi kutya kehe ondingosho ndjoka tayi landitha omalovu ngoka yaa na ombapila, nayi patwe, na mwene gwayo ngele ina hala, nakwatwe po nokupatululilwa oshipotha Paveta ndjoka.Mboka wo haya landitha omalovu goludhi nduka momapandaanda gomoondoolopa noshowo mOomatala moka, nayo osho ya lombwelwa kutya inaya landitha we omalovu ngoka.pOmuthiya mOndonga mOshitopolwa sha Shikoto, aanuundingosho oyi idhengele mumwe nOpolisi mehuliloshiwike ndiyaaka lya zi ko omolu epato lyuundingosho wawo.Aantu taya umbwa nolwithi noniikuti yoongumi nokweehamekwa.Aapolisi yaali nayo wo oya dhengwa aniwa kaakwashigwana.Opolisi oya kwata po omukwashigwana gumwe, iilyo iyali yEtanga lyEgameno noshilyo shimwe shOpolisi mboka ya adhika ye li paumwene pOmuthiya.Aniwa oonakukwatwa po oya li aniwa taya tsitsimike aantu ya tinde okupata oondingosho dhawo ngashi taya lombwelwa kOpolisi.Aanuundingosho oyendji pOmuthiya mpoka, ngashi ngaa osho shili momikunda moka, oya li ye na oombapila dhokulanditha ye dhi pewa kOmalenga, ano kaawiliki yopamuthigululwakalo gwOndonga, ndhoka ya kala nadho taya landitha iinima yawo mwa kwtelwa wo nomalovu ngoka.Ashike nee, nando ya kala ye na oombapila ndhoka, Opolisi sho ye ya oye ya lombwele kutya oombapila ndhoka inadhi ya pa nande uuthemba wokulanditha omalovu goombiila, oowiski, Oobrandy nosho tuu.Ashike otaya vulu okulanditha omalovu gawo gOpamuthigululwakalo, ngashi ngoka giilya, otombo, epwaka, omagongo, owalende nosho tuu.Oshinima shika osha eta nee evundakama pokati koshigwana, kAaleli yOpamuthigululwakalo, Opolisi nEpangelo.Omahololomadhilaadhilo oga li ga ningwa mpaka naampeyaka moshilongo.Oshigwana shoka shomomikunda, osha hala Aaleli yOpamuthigululwakalo ya kale noonkondo dhokugandja oombapila dhomalovu, mwa kwatelwa naangoka gopashitiligane.Tatekulu Mweendeleli, ota ti kutya oshinima shokutya aaleli yOpamuthigululwakalo, ano Aakwaniilwa nOmalenga, kaye na oonkondo dhokugandja oombapila dhokulanditha omalovu gopashingolo, kashi uvitikile ombili kaaleli mbaka noya tokola ye shi ninge oshikundathanwa oshinene moshigongi shawo shEtiyali.Omunashipundi gwOmalelo gOpamuthigululwakalo Elenga enene lyUukwambi tatekulu Herman Ndilimani Iipumbu, naye okwa kolekele kutya oshinima shoondingosho shimwe shomiinenekundathanwa poshigongi shawo.Elenga enene lyUukwambi tali uvaneke kutya gamwe gomomadhilaadhilo gawo ngoka taya ka eta po moshikundathanwa shika, otashi vulika lela ye ke shi tseyithile oshigwana mokupitila miikundaneki.The Namibian okwa koneka kutya aanuundingosho momikunda moka onkee taya landitha omalovu gawo ngoka goombiila ngalwe wo gopashitiligane omanga aalandithi momapandaanda moondoolopa nomOmatala taya landitha wo nayo oombiila dhawo nombili.Ashike Opolisi otayi ti kashi li paveta, oshoka kaye na oombapila dhokulanditha ngawo.Oveta yOmalovu yomumvo 1998 noya tulwa miilonga mo 2002 lwaampoka, inayi gandja oonkondo kAawiliki yOpamuthigululwakalo ya kale haya gandja Oombapila dhomalanditho gomalovu, ngashi Oombiila nomakende omalulu gopashitiligane, mIitopolwa yawo moka.Ashike otaya vulu okugandja oombapila dhokungeshefa niishingithomwa yilwe yi ili, kayi shi omalovu ngoka.Moondoolopa wo, Oveta ndjoka inayi gandja oonkondo kOmalelo gOondoolopa, ga kale ge na oonkondo dhokugandja oombapila dhokushingitha omalovu ngoka kaashingithi yomomapandaanda nomOmatala moka.Nonando Oveta ndjika ya ya miilonga mo 2002, aanuundingosho momikunda moka nosho wo aalandithi momapandaanda, oya kala ashike taya landitha omalovu kehe yaa na oombapila dhokulanditha omalovu ngoka paveta ndjoka yomumvo 1998.Metitano, pwa pita iiwike iyali ngashingeyi, Epangelo olya gandja elombwelo kOpolisi kutya kehe ondingosho ndjoka tayi landitha omalovu ngoka yaa na ombapila, nayi patwe, na mwene gwayo ngele ina hala, nakwatwe po nokupatululilwa oshipotha Paveta ndjoka.Mboka wo haya landitha omalovu goludhi nduka momapandaanda gomoondoolopa noshowo mOomatala moka, nayo osho ya lombwelwa kutya inaya landitha we omalovu ngoka.pOmuthiya mOndonga mOshitopolwa sha Shikoto, aanuundingosho oyi idhengele mumwe nOpolisi mehuliloshiwike ndiyaaka lya zi ko omolu epato lyuundingosho wawo.Aantu taya umbwa nolwithi noniikuti yoongumi nokweehamekwa.Aapolisi yaali nayo wo oya dhengwa aniwa kaakwashigwana.Opolisi oya kwata po omukwashigwana gumwe, iilyo iyali yEtanga lyEgameno noshilyo shimwe shOpolisi mboka ya adhika ye li paumwene pOmuthiya.Aniwa oonakukwatwa po oya li aniwa taya tsitsimike aantu ya tinde okupata oondingosho dhawo ngashi taya lombwelwa kOpolisi.Aanuundingosho oyendji pOmuthiya mpoka, ngashi ngaa osho shili momikunda moka, oya li ye na oombapila dhokulanditha ye dhi pewa kOmalenga, ano kaawiliki yopamuthigululwakalo gwOndonga, ndhoka ya kala nadho taya landitha iinima yawo mwa kwtelwa wo nomalovu ngoka.Ashike nee, nando ya kala ye na oombapila ndhoka, Opolisi sho ye ya oye ya lombwele kutya oombapila ndhoka inadhi ya pa nande uuthemba wokulanditha omalovu goombiila, oowiski, Oobrandy nosho tuu.Ashike otaya vulu okulanditha omalovu gawo gOpamuthigululwakalo, ngashi ngoka giilya, otombo, epwaka, omagongo, owalende nosho tuu.Oshinima shika osha eta nee evundakama pokati koshigwana, kAaleli yOpamuthigululwakalo, Opolisi nEpangelo.Omahololomadhilaadhilo oga li ga ningwa mpaka naampeyaka moshilongo.Oshigwana shoka shomomikunda, osha hala Aaleli yOpamuthigululwakalo ya kale noonkondo dhokugandja oombapila dhomalovu, mwa kwatelwa naangoka gopashitiligane.Tatekulu Mweendeleli, ota ti kutya oshinima shokutya aaleli yOpamuthigululwakalo, ano Aakwaniilwa nOmalenga, kaye na oonkondo dhokugandja oombapila dhokulanditha omalovu gopashingolo, kashi uvitikile ombili kaaleli mbaka noya tokola ye shi ninge oshikundathanwa oshinene moshigongi shawo shEtiyali.Omunashipundi gwOmalelo gOpamuthigululwakalo Elenga enene lyUukwambi tatekulu Herman Ndilimani Iipumbu, naye okwa kolekele kutya oshinima shoondingosho shimwe shomiinenekundathanwa poshigongi shawo.Elenga enene lyUukwambi tali uvaneke kutya gamwe gomomadhilaadhilo gawo ngoka taya ka eta po moshikundathanwa shika, otashi vulika lela ye ke shi tseyithile oshigwana mokupitila miikundaneki.The Namibian okwa koneka kutya aanuundingosho momikunda moka onkee taya landitha omalovu gawo ngoka goombiila ngalwe wo gopashitiligane omanga aalandithi momapandaanda moondoolopa nomOmatala taya landitha wo nayo oombiila dhawo nombili.Ashike Opolisi otayi ti kashi li paveta, oshoka kaye na oombapila dhokulanditha ngawo.