Aakuti yaantu mOpolisi otaya ka ya kiitopolwa

AANTU mboka ya ninga omaindilo pokati ka Desemba na Febuluali ya kutwe mOpolisi oye na okuya kOombelewa dhOpaitopolwa, ya ka tale ngele omadhina gawo omo ge li momakuto gaantu mOpolisi ngoka taga ka ningwa.

Mboka nee omadhina gawo omo ge li, oye na nee okufaalela uumutse wawo, oonzapo noombapila dhomaukwatya guundjolowele wawo na oye na okwiilopota kiilonga pohetatu mesiku lyotango.
Aaningi yomapulapulo otaya ka talelapo oshitopolwa sha Otjozondjupa nOmusati pokati komasiku 6 sigo 10 ga June. Moshitopolwa sha Erongo nOshana otamu ka yiwa okuza momasiku 11 shio 15 ga June omanga mOmaheke nOhangwena tamu ka lyatiwa ompadhi momasiku 16 sigo ga June. Oshitopolwa sha Karas na Caprivi otayi ka talelwapo okuza momasiku 21 sigo 25 ga June omanga Hardap na Kavango tayi ka talelwapo momasiku 26 sigo 30 gomwedhi ogwo tuu ngoka.