OPOLISI po Malinda otayi kongo omuntu ngoka a dhipaga aantu yaali mondoolopa ndjika mOlyomakaya.
Omulumentu gwedhina Salmon Nakala okwa li aniwa a yaha okusa omukadhona gwe gwoomvula 22, ngoka e li wo yina yokanona ke Rebecca Katana.
Nakufekelelwa edhipago ndika okwa yaha wo aniwa okusa omumwayinakadhona gwa Katana, Lucia Erastus.
Shika osha ningilwa pegumbo limwe molukanda lwoombashu lwedhina Ombili mOmalinda omutenya gwOlyomakaya.
Komanda gwOpolisi moshitopolwa sha Hardap, Kobus Meyer, okwa ti Katana opo a hulithile mpok konima sho a yahwa montulo.
Erastus okwa ka sile kOshipangelo shEpangelo sha Malinda konima yoowili. Aakiintu ayehe mbaka oya yahwa nombisitoli yo 9mm.
Meyer okwa ti inaku monika kutya oshike she eta edhipago lyaakiintu mbaka yaali. Konima yoshinima shika, Opolisi oya ka adha ohauto yamufelwa nguka ya thigwa pooha dhondjila, ookilo mbali kuumbugantu wa Malinda.
Nakala ina kwatwa po natango.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
