Aakiina oya hala oshipambu mehangano lyoomina lya Weatherly

EHANGANO lyopapangelo lya Chiina ota li landa oshipambu oshinene mehangano lya Weatherly International komwaalu gwoodola oomiliona N$190, elando ndika ota li pitika opo ehangano lya Weatherly li egulule oomina dhongopolo dha Otjihase na Matchless pokati komvula ta yi ya.

‘Ompito oyi li nawa kutya euvathano ndika ota li ka kala lya pwa oku shainwa pehulilo lya January 2010’, omuwiliki gwemona mehangano lya Weatherly, Kevin Ellis a ti. Ellis okwa popi kombinga ye lalakano lyaaChiina, tati ehangano lye ota li gandja iipambuliko oomiliona 446,8 kehangano lye dhina East China Mineral Exploration and Development Bureau, mbyoka ta yi landwa komapeni gaBritania ga( 3,6) oshipambu kehe.Euvathano ndika ta li gu oodola dhAmerika oomiliona 26,8 ota li fala sigo oompoka kutya ehangano ndika lyepangelo lyedhina ECE ota li kala niipambuliko yoopelesends 50,1.Euvathano ndika ota li eta, opo iilonga yokumina ongopolo yi tameke pOtjihase nopo Matchless, noshowo okugandja iimaliwa yokulongitha ku Weatherly opo a endeleleke elongo lyomina ya eguluka ya Tschudi, noku humitha komeho iilonga yoku tamununa mo ohite ya Shomeya nenge shoka ha shi ithanwa osmetela.Eegululo lyoomina ndhika ota li ka etapo oompito dhiilonga dhaantu omathele gahamano, Ellis osho a lombwele o The Namibian oku ziilila mombelewa ya wo moLondon.’Ekwatathano ndika na ECE ota li eta pehulilo ethimbo edhigu ndyoka Weatherly a kala mo’ omuwiliki gwa WTI, Rob Webster a ti.Enkundipalo moondando dhongopolo muuyuni olya thiminike ehangano ndika opo li edhile oomina ya Shomeya yo kuuninginino na Matchless.Opo li hupithe oshimaliwa ehangano olya kaleke oomina ya Tjihase na Tschudi tadhi silwa ashike oshimpwiyu ka dhi ninge nayi nonando ka dha li ta dhi gandja ongopolo.Shika, sho sha ningwa aaniilonga 600 oya li ya kanitha iilonga yawo.’Ngashingeyi ota tu vulu oku tala kehumokomeho mokukokeka omaliko getu. Oku shi talela meinekelo ndyoka ECE ena noshowo omathaneko ngoka ehangano ndika li na okutunga po oomina ndhika,’ Webster ta ti.Ondando yongopolo ota yi ende yu uka pombanda ngashingeyi oku za omvula ya ziko ya yi pombanda noopelesenda 135 okuyeleka naasho ya li pevi 2008.Euvathano lya WTI-ECE ota li uvaneke oku gandja iimaliwa yokulongitha yomwaalu omunene.Oyindji yo mwaambika ota yi ya koNamibia, Hans Nolte omuwiliki gwa Weatherly Mining Namibia ta lombwele oThe Namibian ngaaka.Omanga mbyoka ya hupuko oya nuninwa iilonga ya WTI moBurkina Faso, niikwawo ota yi longithwa okufuta oongunga.WTI okwa hala oku pungula oodola oomiliona hamano dhAmerika mohite yaShomeya( Tsumeb Smelter)Iimaliwa ota yi longithwa okutunga po ehala lyohapi (oxygen plant) mokati ka yimwe, nelalakano oku nenepeka ohite noopelesenda 40.