A AHINGI yiihauto yondilo ngaashi ooVolvo, ooMercedez-Benze nosho wo ooCamry naya pitikwe okuhinga ookilometa 160 motundi moondjila ndhoka dhu ukilila pondje yoondoolopa, ashike iihauto yoombaki nosho wo iihauto yilwe mbyoka iishona nayi iyuthe kookilometa 120 motundi.
Oombesa nootalaka nadhi hingwe owala ookilometa 80 motundi. Ndhika odha li dha popiwa koshilyo shoSwapo mOmuntumba gwopashigwana Jeremiah Nambinga pethimbo lyosheetwapo shokukondjitha iiponga yomoondjila.Oshipopiwa shika osha li sha tulwa poshitaafula mOmutumba gwOpashigwana lwopehulilo lyoshiwike sha zi ko.Iilyo konyala ayihe yOparliamende oya tsukumwe kutya okuhinga nuuhasha, elongitho lyiikolitha, okuhinga ondapo ya pitilila, omatalaka ngoka haga ende uusiku nosho wo okwaaiyutha koompango dhomoondjila oyo iinima mbyoka hayi eta iiponga yomoondjila ngaashi naanaa sha tothwa mo kolopota yiiponga yomoondjila yefudho lya zi ko.Ashike nando ongaaka, iilyo yOparliamende kaya li naanaa yi wete ondjila yokukandulapo omukundu nguka.Oshilyo shoSwapo mOparliamende Jeremiah Nambinga okwa thikama pethimbo ndyoka e ta popi kutya okuhinga ondapo yi vulithe po 120 motundi kashi shi oshiponga kiihauto yimwe.”Iihauto ngaashi ooVolvo, Mercedez-Benze, Camry (mbyoka unene hayi hingwa kaanambelewa aakuluntu yEpangelo) nosho wo yilwe mbyoka yi na osiputa yapitilila po 180 motundi nayi pitikwe okumatuka ookilometa 160 motundi,” Nambinga ta indile ngaaka.”Ethaneko lyandje olyo ndika kutya ngele opu na ngoka wa hinga oohauto ndhoka nda zi nokutumbula, oto tsukumwe nangame kutya oto kotha nuupu ngele oto hingile ko 120 motundi molwashoka ohauto oyafa owala itayi inyenge.”Oshinima shika osha nyika nee oshiponga molwashoka omuhingi ota vulu okukotha nuupu shoka tashi etele aalongithindjila yalwe uupyakadhi ngele okwa tameke ta kotha,” Nambinga ta popi ngaaka.Iihauto yoombaki nosho wo yilwe mbyoka osiputa yawo inayi konda po 180 nayi matukile owala ko 120 motundi,” Nambinga ta popi.Ta thaneke ngayi kutya oomatalaka, oombesa nosho wo iihauto yilwe inene nayi matukile owala po 80 motundi.Ominista yEmano Peter Tsheehama okwa yi mo moompata e ta popi kutya iinima oyindji yomoondjila oya pumbwa okuningululwa.Opolisi nosho wo oshikondo sha sipitikopa oyi li kohi yOminista Tseehama.Okwa thaneke ngeyi kutya andola Epangelo oli na oshikondo shimwe shoka osho tashi ungaunga niinima yi na sha nomatotelo gomoondjila sho osho wo tashi ungaunga nokufititha aantu oombuta nosho wo tuu.”Pethimbo ndika, Opolisi ya Namibia na unene oshikondo sha sipitikopa inaya pewa naanaa iikwaniipangitho ya gwana okugwanitha po iilonga yawo,” Tsheehama ta lombwele ngaaka Omutumba gwOpashigwana mEtine lya zi ko.Okwaa thaneke ngeyi kutya iiyenditho yokufelefula ngaashi oombesa, nayi shangithwe paveta opo yi wape okukondololwa nuupu.Oshilyo shongundu yo Monitoring Action Group, Jurie Viljoen okwa ti aanambelewa oyendji yopolisi netonatelo lyoondjila naya tulwe miilonga, sigo omomahuliloshiwike.Momahuliloshiwike ku mona mo aanambelewa ya Sipitikopa momapandaanda moka, kutya nee Omovenduka nenge omoondjila dhopondje yiilando.Aahingi kaye na ko na sha nokwiiyutha komalombwelo gomoondjila molwashoka kapu na ngoka tega tula miilonga,” Viljoen ta popi ngaaka.Ta ti mefudho lya zi ko okwa li a ka kala komunkulofuta ihe ina mona nando omunambelewa gwetonatelo lyomoondjila mondjila ndjoka ya nyika oshiponga pokati ka Mbaye na Swakopmund.Okwa faathanitha nonkalo yelongitho lyoondjila mu Botswana.Ta ti mu Botswana aanambelewa yOpolisi oye li shaampoka notaya longo iilonga yawo.Ndhika odha li dha popiwa koshilyo shoSwapo mOmuntumba gwopashigwana Jeremiah Nambinga pethimbo lyosheetwapo shokukondjitha iiponga yomoondjila.Oshipopiwa shika osha li sha tulwa poshitaafula mOmutumba gwOpashigwana lwopehulilo lyoshiwike sha zi ko.Iilyo konyala ayihe yOparliamende oya tsukumwe kutya okuhinga nuuhasha, elongitho lyiikolitha, okuhinga ondapo ya pitilila, omatalaka ngoka haga ende uusiku nosho wo okwaaiyutha koompango dhomoondjila oyo iinima mbyoka hayi eta iiponga yomoondjila ngaashi naanaa sha tothwa mo kolopota yiiponga yomoondjila yefudho lya zi ko.Ashike nando ongaaka, iilyo yOparliamende kaya li naanaa yi wete ondjila yokukandulapo omukundu nguka.Oshilyo shoSwapo mOparliamende Jeremiah Nambinga okwa thikama pethimbo ndyoka e ta popi kutya okuhinga ondapo yi vulithe po 120 motundi kashi shi oshiponga kiihauto yimwe.”Iihauto ngaashi ooVolvo, Mercedez-Benze, Camry (mbyoka unene hayi hingwa kaanambelewa aakuluntu yEpangelo) nosho wo yilwe mbyoka yi na osiputa yapitilila po 180 motundi nayi pitikwe okumatuka ookilometa 160 motundi,” Nambinga ta indile ngaaka.”Ethaneko lyandje olyo ndika kutya ngele opu na ngoka wa hinga oohauto ndhoka nda zi nokutumbula, oto tsukumwe nangame kutya oto kotha nuupu ngele oto hingile ko 120 motundi molwashoka ohauto oyafa owala itayi inyenge.”Oshinima shika osha nyika nee oshiponga molwashoka omuhingi ota vulu okukotha nuupu shoka tashi etele aalongithindjila yalwe uupyakadhi ngele okwa tameke ta kotha,” Nambinga ta popi ngaaka.Iihauto yoombaki nosho wo yilwe mbyoka osiputa yawo inayi konda po 180 nayi matukile owala ko 120 motundi,” Nambinga ta popi.Ta thaneke ngayi kutya oomatalaka, oombesa nosho wo iihauto yilwe inene nayi matukile owala po 80 motundi.Ominista yEmano Peter Tsheehama okwa yi mo moompata e ta popi kutya iinima oyindji yomoondjila oya pumbwa okuningululwa.Opolisi nosho wo oshikondo sha sipitikopa oyi li kohi yOminista Tseehama.Okwa thaneke ngeyi kutya andola Epangelo oli na oshikondo shimwe shoka osho tashi ungaunga niinima yi na sha nomatotelo gomoondjila sho osho wo tashi ungaunga nokufititha aantu oombuta nosho wo tuu.”Pethimbo ndika, Opolisi ya Namibia na unene oshikondo sha sipitikopa inaya pewa naanaa iikwaniipangitho ya gwana okugwanitha po iilonga yawo,” Tsheehama ta lombwele ngaaka Omutumba gwOpashigwana mEtine lya zi ko.Okwaa thaneke ngeyi kutya iiyenditho yokufelefula ngaashi oombesa, nayi shangithwe paveta opo yi wape okukondololwa nuupu.Oshilyo shongundu yo Monitoring Action Group, Jurie Viljoen okwa ti aanambelewa oyendji yopolisi netonatelo lyoondjila naya tulwe miilonga, sigo omomahuliloshiwike.Momahuliloshiwike ku mona mo aanambelewa ya Sipitikopa momapandaanda moka, kutya nee Omovenduka nenge omoondjila dhopondje yiilando.Aahingi kaye na ko na sha nokwiiyutha komalombwelo gomoondjila molwashoka kapu na ngoka tega tula miilonga,” Viljoen ta popi ngaaka.Ta ti mefudho lya zi ko okwa li a ka kala komunkulofuta ihe ina mona nando omunambelewa gwetonatelo lyomoondjila mondjila ndjoka ya nyika oshiponga pokati ka Mbaye na Swakopmund.Okwa faathanitha nonkalo yelongitho lyoondjila mu Botswana.Ta ti mu Botswana aanambelewa yOpolisi oye li shaampoka notaya longo iilonga yawo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!