Aailongi ta ya kondjitha elunduluko

AAILONGO menongelo lyaalongi lya Windhoek oya nyanya okuya koombelewa dhepangelo taya nyenyeta kelunduluko momimvo dheilongo lyawo okuza pune okuya kuntano.

Aailongi mbaka oyi ishangitha okwiilonga onzapo yuulongi yo Basic Education Teachers Diploma]BETD],ndele molwaashoka omanongelo ngaka oga ningi iitopolwa yo Unam, epangelo olya ti oyena oku lunduluka meilongo lyawo nokwiilongela onkatu yelongo nenge Bachelor of Education. Shika osha hala okutya oye na okwiilonga omvula yimwe ya gwedhwa ko.Oya ti yo inaya tsondumbo neyomumwe lyomanongelo ngaka no Unam ndele oyuuvite ye li momilema kombinga yaashika.Omuperesidende gwaalongwa, Nicholas Jacobs a ti.Momushangwa nyenyeto oya thaneke kutya na ya pewe ompito opo yiilonge manga taya longo opo ya mone iitsa mbyoka ta yi ya pethitha onkatu yeilongo melongo.Oya ti oku kuthapo odiploma yuulongi wopetameko otashi ka hupithila epangelo oshimaliwa. Oshoka peha lyo ku gwedhela iimaliwa yomikuli dhaalongwa aalongi mbaka ota ya kala ta ya vulu okufutila eilongo lyawo tashi pitile meilongo manga yo ta yalongo, osho Jacobs a ulike.Aailongi mbaka oya ti yo inaya kundathanwa nayo kombinga yoshinima shika, neuvathano ndyoka lya ningwa pokati kawo nepangelo inali popya sha kombinga yodiploma ndjika ta yi lundululwa opo yi ye pomuthika gwonkatu yelongo.