Aahumbati yiingangamithi ya luudhike Namibia

ONDUNDAHANGANO yoongeshefa, iipindi noofabulika[Namibia Chamber of Commerce and Industry] NCCI oya indile aanangeshefa mboka taya ka talelapo kiilongo yimwe molwa ongeshefa opo ya kale haya kwatathana nayo. NCCI okwa ningi eindilo ndika sha landula koshiningwanima sha ningilwa aanangeshefa aakiintu sho ya kwatwa kopolisi pokapale koondhila ka Guarulhols mo Sao Paulo sha Brazil.

Mbaka oya kwatelwe molwaashoka taya konenenwa kutya ota shi vulika ya li moshilongo shoka oku ka humbata iingangamithi.Aanangeshefa oyendji ya Namibia ohaya kamulwa noshi kamule oshiwinayi sho, aanambelewa ya Brazil ya tala kutya yo ngiika oye na sha nokulanda noshowo okuhumbata iingangamithi, molwaashoka moshilongo shoka ngashingeyi omuna aaNamibia oyendji yeedhililwa molwaashoka ya li ya kwatwa ya humbata iingangamithi. Aakintu mboka ya kwatelwa pokapale ka Sao Paulo oya li ya hokololele oshifo sha NCCI, Chamber news, kutya oya fatululile aanambelewa ya Brazil kutya yo oya li moshilongo shoka ta ya kongo oompito dhomangeshefelo. Ndele aanambelewa oya dhini omapopyo ngoka ya ti , ngele andola mboka oya li ngaaka nena andola etalelopo lyawo olya longekidhwa oku pitila moombelewa dhuukalelipo shilongo nenge dhomahangano goongeshefa, nenge okupitila mOshikondo shIipindi noofabulika. NCCI okwa ti opena iiningwanima oyindji moka aanangeshefa aaNamibia ya tindilwa oku ya mo Brazil molwahike sho, aahumbati yiingangamithi ya za koNamibia yena mo edhina ewinayi lyiilonga iiwinayi. Pethimbo ndika moBrazil omuna aaNamibia yeli mondholongo yeli omulongo yamwe ta ya longele ondholongo yomimvo ntano sigo omulongo, omanga yamwe oya tegelela okupangulwa, omolwa okulonga onga, aahumbati yiingangamithi.