Aahili yomakaya taya ka holama

ONTOTWAMPANGO yokupangela elongitho lyomakaya oya tulwa poshitaafula mOshigongi shOpashigwana metine.

Ominista Yuukalinawa omundohotola Richard Kamwi oye a tula ompango ndjika komeho gaatotimpango yaNamibia.Ontotwampango ndjika ota yi keelele ehilo lyomakaya pomahala gaayehe, pondje nenge pehala li li popepi nekende nenge popepi nombuthulu yo kupititha ombepo, noshowo popepi nomweelo nenge pe hala lyuupitilo kehe.Osha hala okutya ohotela , orestauranta nenge ostola yokulanditha okoothiwa ota ga gwile mongundu yomahala gaayehe, nonando ompango ndjika ita yi shi tothamo naanaa sha yela.Omautho ota ga ka nyolwa konima ngele ompango ndjika ya pitithwa koparliamende, naamoka omo ta mu ka popiwa shuukilila kutya omahala gaayehe ogo ge ni po naanaa.Sho a tula ompango ndjika poshitaafula omusamane Kamwi okwa lombwele egumbo ta ti ekonakono lya ningwa mo 2004 olya ulike kutya oopelesenda 17 dhaanasikola pokati komimvo 10 sigo 12 oya zimine kutya oha ya hili omakaya.’Okunwa omakaya ohaku ningwa kaanona oyendji pethimbo lyuunona na shika ota shi ka yona uukolele wawo, ndele shika otashi ka monika ashike konima yoomvula sho ya tameke oku hila omakaya.’Omalelo giilando oge na okutula aataleli miilonga opo ya tale kutya ompango ndjika ota yi gwanithwa po uuna ndoka ya yi miilonga.Ompango ndjika ompe ota yi gandja egeelo edhigu lyoodola omayovi 200 000 oku tseyitha omakaya.Ota yi indike omulandithi gwomakaya a longekidhe oshiithanene mpoka ando pu na okuhumithwa komeho iikwamakaya, nenge ta humithakomeho iiningwanima mbyoka ta yi hwahwameke ehalo lyaantu opo ya hile omakaya.Ompango ota yi indike aalandithi okulanditha omakaya kaantu ye na oomvula dhi li kohi 18.Omundohotola Kamwi okwa ti mboka iha ya hili omakaya oya kala molwithi lwaahili makaya pethimbo ndika.Ompango ndjika ota yi fala Namibia a kale popepi noku gwanitha po oshipumbiwa sha kwatelwa mwaashoka ha shi ithanwa Framework Convention on Tobacco Control yeHangano lyUukalinawa mUuyuni(WHO) lyo 2003.Namibia okwa kolekele euvathano ndika, li na oshinakugwanithwa shimwe kutya kehe shilongo oshi na oku tota po omilandu dha sho shene kombinga yokupangela omakaya.Ompango ndjika ina yi katekwa we olule. Kamwi ta indile.Ompango ota yi ti opu na okukala ongundu yi na sha nokupangela omakaya ndjoka ta yi gandja omayele kOminista yUukalinawa kombinga yaamboka ha ya longo omakaya naashoka taya longo opo ya shonopeke elongitho lyomakaya.Ota pu totwa wo oshiketha shokupangela iikwamakaya. Iiyemo yasho ota yi kala nokulongithwa okweetapo opolograma dhi na sha nokupanga uuvu wa etwa komakaya.