Aagundjuka ya RDP yi indila aagundjuka ya ka hogololole

EWAWA lyaagundjuka lyo RDP olya ningi eindilo kaagundjuka mu Namibia kaya sithwe uunye komathindilokongudthi gopapolitika, ihe naya ishangithe opo ya ka hogolole mOmahogololo ngoka taga ka ningwa pehulilo lyomumvo nguka.

Pethimbo lyetalelopo lye kOshifo sha The Namibian omasiku ngaka, Amushanga gwEwawa lyaagundjuka mu RDP Malumbano Sibkuku nomupeha gwe Sam Hamunyeka, oya ti kutya aagundjuka oyi ikwata omahogololo na inaya okwiishanitha omolu omatindilokongudhi taya ga ningilwa.
Oya ti omapiyaganeko ngoka ga li ga holoka pomahogololo ngoka ga li pOmuthiya, Eenhanga nomoshikandjohogololo shs Tobias Hainyeko, oga eta aagundjuka yamwe ya kale ya tila okwiishangitha ya ka hogololole.
Sibuku na Hamunyela oya totha mo ompumbwe yoomito dhelongo dhomadheulo nokweeheniilonga kuto ogo omaupyakadhi omanene taga piyaganeke onkalamwenyo yaagundjuka mu Namibia.
‘Otwa hala nee okuya mona (aagundjuka) momwaalu omunene miitopolwa ayihe 13 taya ishangithwa, h Sibuku na Hamunyele osho ya popi ngaaka. Molyomakaya geti: 2 Mei 2009, Amushanga gwo RDP moshitopolwa sha Hangwena, Timoteus Shikongo, okwa ti yo yoRDP mOhangwana oyi unganeka nawa notaya longo uusiku nomutenya mokudhanga iilyo yongundu yawo, opo ya ka mone omawi ogendji lele momahogololo gOpaupresidende nOgoparaliamend,e ngoka taga ka ningwa pehulilo lyomumvo nguka.
Shika Shikongo okwe shi popi pethimbo a li ta taamba ko Omupresidende gwo RDP Hidipo Hamutenya kumwe naanashigongi ayehe mboka ye yile kOshigongi oshinene sho RDP pOhangwena moshitopolwa sha Hangwena momasiku ga tumbulwa.
Shikongo ta ti kutya oyi unganeka nawa paendondo adhihe. Tashi ti ya hogolola iilyo yokOmitiye Ompitithi yOpashitopolwa, iilyo yOkomitiye yOpashitopolwa, Aawiliki yIikandjo noshowo yOobrancha. Shikongo ta ti kutya Oobrancha dhawo oye dhi indjipaleka okuza pOobrancha 49 nokuya pu 54 mOshitopolwa ashihe.
Ota ti kutya oya hogolola wo Okakomitiye Okagandjimayele hoka taka kala ke na uuthemba wokukala miigongi yOkomitiye Ompitithi naandjoka yOpashitopolwa.
‘Ondi uvite etumba okutseyitha mpaka kutya aaleli yoRDP moshitopowla sha Hangwena otaya longo yaa na ezimbuko omutenya nuusiku nelalakano lyokukokeka ongundu yawo yo RDP.
Oku yi monena iilyo oyindji opo yi ka mone aahogololi oyendji momahogololo ngoka twa thinda mu Novemba 2009 gOpaupresidende nogOshigongi shOpashigwana. Moshitopolwa sha Hangwena oshigwana otashi ndjoina RDP esiku kehe, nou shi wete ngoye mwene nena mpaka kengathithi enenenene ndika lye ya koshigongi shawo shika pOhangwena, h Shikongo ta ti ngawo nokugwedha ko kutya aakalimo yomoshitopowla sha Hangwena oya dhimbulukwa kutya oye li monkalo yuuthigonam kaye na elongo li li nawa noshowo omayakulo gopaunamiti, omayakulo gopakwatakanithokumwe kaage li nawa noya dhimbulula wo nonkumwe onene komalaka omawinayi taga ulwa aawiliki niilyo yo RDP kaawiliki yoSswapo mboka ya thiminikilwa aakwashigwana yomoshitopolwa sha Hangwena.
‘Kehe esiku otu li momashongo omanene, tatu ningilwa omatilitho notatu tukwa kAawiliki, kiilyo nokayambidhidhi yomoshitopolwa shika sha Hangwena yongundu tayi pangele. Ongoshiholelwa tala kwaashoka tashi ningilwa hailwa Dineinge Sheya noohailwa yalwe yo RDP.
Tala koontamanana ndhoka dhi li po dhomapandela gaali, lyoRDP noSwapo, ge li komuti gumwe. Mboka yoSwapo wo natango, Shikongo ta tsikile, oya li ya hala oku tu kelela tu ninge eyotho lyonyama yetu mpaka noshowo oku tu kelela tu ningile oshigongi shetu shika oshinene mpaka, mo Helao Nafidi. Otatu pandula Opolisi yetu ya Namibia sho tayi longo yaa na egamombinga. Onda hala okutya ngashiingeyi, ngashi tu li mpaka, oshigwana osha dhimbulula kutya nani, hShikongo ta ti ngawo.