Aagundjuka pu Berseba oya geela Elelo lyondoolopa yawo

A AGUNDJUKA pokandoolopamukunda ka Berseba moshitopolwa sha Karas oya popi kutya Elelo lyondoolopa yawo olya ndopa okugandja omakwatho kaakalimo na ondoolopa ndjika oya fa ashike etoto lyiiyagaya.

Omugundjuka gumwe e na ko na sha nonkalonawa yaagundjuka pu Berseba Simon Fledermaus okwa lombwele The Namibian kutya mondoolopa yawo omu na ezimba edhigu lyoonyata tali zi momandoloma guundjugo ngoka Elelo lyondoolopa ihali ke ga tilahi. “Elelo lya Berseba otali ndopa okugandja omakwatho gopetameko kaakalimo yalyo.Ekuthopo netilohi lyomandoloma goonyata, ihashi silwa oshimpwiyu,” Fledermaus osho a popi ngaaka.Fledermaus, ngoka e li omonamati gwElenga lya Berseba Johanness Fleermuys nokuli wo oshilyo oshinene shongundu yo Swapo, okwa ti onkalo ndjika oyi li oshiponga kuundjolowele waakalimo yomondolopa na otayi tidha wo aatalelipo.”Iiyagaya oya napakana ashike nomapandaanda na momahala moka hamu longithwa uundjugo womandoloma omu na ezimba ewinayi,” ta popi ngaaka.Aagundjuka pu Berseba oya ninga eindilo ku Ngoloneya gwoshitopolwa sha Karas Dawid Bood, ngoka oye wo eli Kansela gwoshikandjohololo sha Berseb, a ninge po sha kombinga yonkalo ndjika.Fledermaus okwa popi wo kutya Omunashipundi gwElelo lya Bersab Willem Isaks, ngoka ha zi ko Keetamanshoop shoka shi li ookilometa 80 okuza pu Berseba okwa faula kiigongi yElelo lyondoolopa iikando oyindji.Okwa popi kutya egandjo lyootendela kElelo lyondoolopa ohali ningwa pamukulo gwuulingilingi, ta tsikile ko kutya, ehogololo lyongundu yo Swapo okuhogolola aakalelipo yalyo mElelo lya Berseba inali ningwa pamukalo gwi iwetikile.Ookansela ayehe ye li yatano mElelo lya Berseba oye li aniwa AakwaSwapo.Ta ti, aantu yamwe oya li ya kala mElelo ndika okuza momumvo 1992, ihe natango oyo ishewe ya tulwa mo.Fledermaus okwa ti Ookansela mbaka kaye na shoka taya eta po meyambulopo lya Berseba na otaya uvitha ashike aantu nayi.Ngele aniwa mElelo lya Berseba inamu ningwa omalunduluko meendelelo, okandoolopa haka ota ka gwila mompumbwe yoshimaliwa moka mu na Omalelo goondoolopa dhilwe pethimbo ndika.Isaak okwa tindi okugandja okomenda komapopyo ga Fledermaus.”Elelo lya Berseba otali ndopa okugandja omakwatho gopetameko kaakalimo yalyo.Ekuthopo netilohi lyomandoloma goonyata, ihashi silwa oshimpwiyu,” Fledermaus osho a popi ngaaka.Fledermaus, ngoka e li omonamati gwElenga lya Berseba Johanness Fleermuys nokuli wo oshilyo oshinene shongundu yo Swapo, okwa ti onkalo ndjika oyi li oshiponga kuundjolowele waakalimo yomondolopa na otayi tidha wo aatalelipo.”Iiyagaya oya napakana ashike nomapandaanda na momahala moka hamu longithwa uundjugo womandoloma omu na ezimba ewinayi,” ta popi ngaaka.Aagundjuka pu Berseba oya ninga eindilo ku Ngoloneya gwoshitopolwa sha Karas Dawid Bood, ngoka oye wo eli Kansela gwoshikandjohololo sha Berseb, a ninge po sha kombinga yonkalo ndjika.Fledermaus okwa popi wo kutya Omunashipundi gwElelo lya Bersab Willem Isaks, ngoka ha zi ko Keetamanshoop shoka shi li ookilometa 80 okuza pu Berseba okwa faula kiigongi yElelo lyondoolopa iikando oyindji.Okwa popi kutya egandjo lyootendela kElelo lyondoolopa ohali ningwa pamukulo gwuulingilingi, ta tsikile ko kutya, ehogololo lyongundu yo Swapo okuhogolola aakalelipo yalyo mElelo lya Berseba inali ningwa pamukalo gwi iwetikile.Ookansela ayehe ye li yatano mElelo lya Berseba oye li aniwa AakwaSwapo.Ta ti, aantu yamwe oya li ya kala mElelo ndika okuza momumvo 1992, ihe natango oyo ishewe ya tulwa mo.Fledermaus okwa ti Ookansela mbaka kaye na shoka taya eta po meyambulopo lya Berseba na otaya uvitha ashike aantu nayi.Ngele aniwa mElelo lya Berseba inamu ningwa omalunduluko meendelelo, okandoolopa haka ota ka gwila mompumbwe yoshimaliwa moka mu na Omalelo goondoolopa dhilwe pethimbo ndika.Isaak okwa tindi okugandja okomenda komapopyo ga Fledermaus.