Aafuthi yooshowa ndatu ya pewa yiifutile mo mondholongo

AANAFAALAMA yaali yopOtjiwarongo nomuhingi gumwe gwiitaalukunku(edhagadhaga) mboka ta ya tamanekelwa uufuthi wooshowa dhondilo oya pewa yiikulilemo mondholongo noodola omayuvi 60 000 kehe gumwe konima yokukala mondjedhililo uule woshiwike shimwe.

Mengestrata Stanley Tembwe okwa pe aafekelwa mbaka ompito yiifutilemo konima sho a pulakene eindilo lyawo kongulohi yOmaandaha gaziko. Aatamanekwa oyo omunafaalama Herbert Henle(47), Hans Erno Diekmann (51), omuhingi gwaniitaalukunku Jurgen Richard Benz nomuniilonga mofaalama ya Henle, Michael Graf Zu Bentheim(33).Henle, Diekmann and Benz oya pewa yiikulilemo noodola omayuvi 60 000 kehe gumwe omanga Zu Bentheim a pewa iifutilemo noodola 10 000.Henle, Diekmann na Benz oya kwatwa mo 25 Kotoba 2009 aniwa sho Henle na Diekmann ya adhikwa mondjila yevi kuuzilo waTjiwarongo ta ya fala ooshowa dhili ndatu neloli okuzakofaalama ya Diekmann, ndjoka yi li popepi noshikunino shuupashioni sha Waterberg,kaa ye na epitikilo lyoku shininga.Benz ota ku tiwa okwa li ta hingi itaalukunku, ngoka a longithwa mokukwata ooshowa ndhika opo dhi londekwe meloli.Ota ku tiwa aniwa ooshowa odha ziilile moshikunino nehala lyomapashiono lya Wateberg, ta ku fekelwa dhi iyakamo sho ompanda yimwe ya teya olugumbo lwehala ndyoka konyala oomwedhi ndatu dha piti.Henle, Diekmann na Benz oya holokele mompangu yamengestrata Otjiwarongo oshiwike sha yi.Oya li ya tamanekelwa uufuthi, uukongo wiinamwenyo ya gamenwa noshowo okweenditha oshinamwenyo kaaye na opermit okushininga.Zu Bentheim okwa ka kwatwa konima yesiku limwe. Ye okwa tamanekelwa onkambadhala yoku ya ompango moshipala. Sho anuwa a kambadhala okudhima po omandhindhiliko gamwe meloli ndyoka lya li ta li fala iikwakuti mbika.Eloli ndika olya Henle ngoka oye mwene gwo faalama yedhina Mount Paresis yi li kuuninginino waOtjiwarongo.Ompangu oya lombwelwa kutya Henle na Diekmann oya zimine kutya oya adhika ye na ooshowa ndhoka ndatu kaa yena epitikilo okukala nadho, na oye dhi enditha pwaana epitikilo okushininga.Ndele yo oya tindi kutya oya kutha iinamwenyo mbika moWaterberg Plateau Park.Oya pewa ombeila shampa ashike ita ya idhopo miilongakona kono yopolisi.Yo ka yena okuthigapo Otjiwarongo pwaana epitikilo lyopolisi.Mengestrata okwe ya lombwele ya galuke kompangu mo 14 January 2010.