Aafilipino mu Ramatex ya tinda okushuna kegumbo

A ANIILONGA yAafilipino ye li 250 lwaampoka mboka ya kanitha iilonga yawo muRamatex sho ya pata, oya dhika oonyala mevi kutya itaya shuna kegumbo inaya futwa kOkampani ndjika.

Sigo onena inaku ningwa etsokumweuvathano shi na sha noofuto dhaaniilonga mbaka. Metiyali lya zi ko, aaniilonga ashike yAakiina ye li yane oyo ya li ye shi ulike kutya otaya ki iyutha kelombwelo lya Ramatex kutya naya shune koshilongo shawo.Metiyali lyoshiwike sha zi ko, aawiliki yehangano lyaaniilonga lya Namibia Food and Allied Workers Union (Nafau) newilikongundu lya Ramatex oya li ya ningi oonkundathana dhi sha noofuto dhaaniilonga yAanamibia ye li 3 000 lwaampoka, mboka ya li ya kanitha iilonga yawo mu Ramatex pamwe naamboka yAafililipino noyAakiina.Konima yotundi ontitano, Amushanga-Ndjayi gwa Nafau Kiros Sakarias okwa li a popitha aaniilonga yAafilipino pomweelo gwokuya moofabulika dhOkampani, e te ya kuthile ko shoka sha zi moonkundathana dhawo newilikongundu lya Ramatex.Sackarias okwa pandula aaniilonga mbaka sho ya dhiki oonyala mevi kutya itaya shuna inaya futwa e te ya kwashilipaleke wo kutya Nafau ote ke ya kondjela.”Ota tu mu yambidhidha sho mwa ningi etokolo ndika.Otu wete kutya kashi li pauyuuki mu shune kegumbo mu li iikaha yowala.Otu li moonkundathana nEpangelo lyetu, li kwatathane nOmbelewa yOmukalelipo gweni mu South Afrika nenge ku talike ngele oopelemeta dhookondalaka dheni dhiilonga otadhi lelepekwa,” Sackarias ta popi ngaaka.Oyendji yomaaniilonga mbaka oya li ya popi kutya oopelemeta dhookondalaka dhawo otadhi puko pehulilo lyomwedhi nguka nosho wo mu Apilili na oye na uumbanda kutya otashi vulika ya ka kwatwe po ngele oya shuna ku Phillippines noopelemeta dhiilonga dha kwisha.Sackarias okwa ti Ramatex okuwete aniwa kutya Nafau ke na uuthemba okukalelapo aaniilonga yaakwiilongo na Okampani oya hala okupewa ondokumende tayi ulike epitikilo ndyoka (li li pambapila).Aaniilonga yAafilipino oya li ya indile Nafau e ya popileko, taya ti kutya kashi li pauyuuki oku ya lombelwa ya shuna kegumbo inaya futwa oshimaliwa shi li pauyuuki.Oyendji yomaaniilonga mbaka oya popi kutya oya tameke okulongela mOkampani ndjika momumvo 2003.Yamwe yomaaniilonga mbaka oye na ko omasiku gefudho ga adha po 51 sigo 68, ihe Ramatex shika ote shi pataneke.”Oye li natango taya popi kutya itaya tsu kumwe nomwaalu gwomasiku gomafudho, taya ti kutya kaye na iimaliwa,” Sackarias ta popi.Aaniilonga yamwe yAafilipino mboka ya popi nOshifo shika oya ti kutya yo itaya tsu kumwe nomapopyo ga Ramatex kutya ke na iimaliwa okuya futa.”Ramatex Okampani yopaigwana.Oyi na iitayi muuyuni.Otaya vulu ngiini okuopya kutya kaye na iimaluiwa?” omuniilonga gumwe ta popi ngaaka.Okampani ya Ramatex oya pa ta thiluthilu mu Namibia momasiku 7 gomwedhi nguka.Metiyali lya zi ko, aaniilonga ashike yAakiina ye li yane oyo ya li ye shi ulike kutya otaya ki iyutha kelombwelo lya Ramatex kutya naya shune koshilongo shawo.Metiyali lyoshiwike sha zi ko, aawiliki yehangano lyaaniilonga lya Namibia Food and Allied Workers Union (Nafau) newilikongundu lya Ramatex oya li ya ningi oonkundathana dhi sha noofuto dhaaniilonga yAanamibia ye li 3 000 lwaampoka, mboka ya li ya kanitha iilonga yawo mu Ramatex pamwe naamboka yAafililipino noyAakiina.Konima yotundi ontitano, Amushanga-Ndjayi gwa Nafau Kiros Sakarias okwa li a popitha aaniilonga yAafilipino pomweelo gwokuya moofabulika dhOkampani, e te ya kuthile ko shoka sha zi moonkundathana dhawo newilikongundu lya Ramatex.Sackarias okwa pandula aaniilonga mbaka sho ya dhiki oonyala mevi kutya itaya shuna inaya futwa e te ya kwashilipaleke wo kutya Nafau ote ke ya kondjela.”Ota tu mu yambidhidha sho mwa ningi etokolo ndika.Otu wete kutya kashi li pauyuuki mu shune kegumbo mu li iikaha yowala.Otu li moonkundathana nEpangelo lyetu, li kwatathane nOmbelewa yOmukalelipo gweni mu South Afrika nenge ku talike ngele oopelemeta dhookondalaka dheni dhiilonga otadhi lelepekwa,” Sackarias ta popi ngaaka.Oyendji yomaaniilonga mbaka oya li ya popi kutya oopelemeta dhookondalaka dhawo otadhi puko pehulilo lyomwedhi nguka nosho wo mu Apilili na oye na uumbanda kutya otashi vulika ya ka kwatwe po ngele oya shuna ku Phillippines noopelemeta dhiilonga dha kwisha.Sackarias okwa ti Ramatex okuwete aniwa kutya Nafau ke na uuthemba okukalelapo aaniilonga yaakwiilongo na Okampani oya hala okupewa ondokumende tayi ulike epitikilo ndyoka (li li pambapila).Aaniilonga yAafilipino oya li ya indile Nafau e ya popileko, taya ti kutya kashi li pauyuuki oku ya lombelwa ya shuna kegumbo inaya futwa oshimaliwa shi li pauyuuki.Oyendji yomaaniilonga mbaka oya popi kutya oya tameke okulongela mOkampani ndjika momumvo 2003.Yamwe yomaaniilonga mbaka oye na ko omasiku gefudho ga adha po 51 sigo 68, ihe Ramatex shika ote shi pataneke.”Oye li natango taya popi kutya itaya tsu kumwe nomwaalu gwomasiku gomafudho, taya ti kutya kaye na iimaliwa,” Sackarias ta popi.Aaniilonga yamwe yAafilipino mboka ya popi nOshifo shika oya ti kutya yo itaya tsu kumwe nomapopyo ga Ramatex kutya ke na iimaliwa okuya futa.”Ramatex Okampani yopaigwana.Oyi na iitayi muuyuni.Otaya vulu ngiini okuopya kutya kaye na iimaluiwa?” omuniilonga gumwe ta popi ngaaka.Okampani ya Ramatex oya pa ta thiluthilu mu Namibia momasiku 7 gomwedhi nguka.