Aafekelwa moshipotha shokaine yi ipatana

AAKWASHIGWANA yAngola yaali mboka taya tamanekelwa aniwa okwaadhika nokokaina yondjundo onene tayi kwatwa moshilongo, oya ti kaye na ondjo, sho ya holoka koshipala shompangu yOpombanda moVenduka metiyali.

Daniel Joao Paulo[42] na Josue Manuel[44] ota ya tamanekelwa okukala nokokaine yondjundo yookilograma 39,35 ndjika oyi na ongushu yoodola oomiliona 20,125. Ota ku tiwa iingangamithio mbika oya li ya adhikwa nayo pokati komi 20 ga Desemba 2007 sigo omilongo 30 ga Septemba 2008.Paulo na Antonio oya ti kaye na ondjo komatamaneko ngaka gatatu gokulanditha okokaina nenge gokukala noshingangamithi shika pethimbo ya li yaholoka mompangu koshipala, shomupanguli , Collins Parker .Pahapu dhomukalelipo gwopampango gwaambaka yaali, Percy McNally, okwa ti mbaka ota ya ti inaya adhika ye na iingangamithi mbika komalutu gawo, na ishewe kasha li elalakano lyawo okukala nenge okulanditha iingangamithi mbika.Na kaya li ye shi wo kutya yo oye na iingangamithi mbika mosheenditho shawo.Paulo na Antonio oya kwatelwe peinda lyopolisi popepi noKeetmanshoop ongula onene yomilongo 20 ga Desemba 2007.Ota ku tiwa oya kwatwa kopolisi konima sho opolisi ya mono ehala lyaholama kohi yohauto ndjoka yo ya li ta ya hingi. Mehala ndyoka lyaholama omwaadhika aniwa okokaine yookilograma 30,1, ndjika ota ku tiwa oya li yina ongushu ta yi tengenekwa poodola oomiliona 15, 5.Okwa ti ishewe momilongo 30 ga September 2008 okokaina oyindji oya adhikwa natango mosheenditho shoka ya holekwa mokugulu kwospara, sho osheenditho shoka sha hadhwa ishewe nawa. Ndjika ya ,adhika mokugulu kwospara oya li yookilograma 9.25, na oyi na ongushu yoodola oomiliona 4,625.Oshilyo shopolisi yokukeelela elongitho lyiingangamithi poKeetmanshoop, Shisande, Frans van Wyk okwa lombwele ompangu kutya ye okwa li peinda lyopolisi esiku lyo milongo 20 ga Desemba sho oonakufekelwa ye ya po nosheenditho shawo.Sho eyapula kutya oyuuka peni,Paulo okwa yamukula kutya ota ya yi ko Upington koSouth Africa aniwa taya ka talelapo omumwayina, Van Wyk a lombwele ompangu.Antonio aniwa oye a li ta hingi ohauto ndjoka, omanga Paulo oye a li ta popi, sho mbaka ya popi na Van wyk.Okwa hokolola kutya okwe ya pula opo ya kankameke osheenditho shawo pooha nondjila nokwe ya lombwele kutya otaka hadha mo mosheenditho okukonga, iingangamithi, oondjembo nakehe shimwe kaashili pampango.Mokakololo moka hamukala omambo gosheenditho noshowo kohi yoshipundi shokonima okwa adhako oongonga mbali dhosellotape yeyimbi.Okwa adha mo wo oshilongitho shokupatela iinima kumwe hashi ithanwa ‘orivetgun’ nokapakete muna oomboola dhomaludhi, noshowo uudoha uyali womagadhi gokwiishasha noshowo okandooha kamwe kokunikitha nawa mosheenditho.Kakele kezimba lyaayihe mbika, Van Wyk okwa nika mo sha natango sho sha mangitha aafekelwa mbaka ompangu osho ya lombwelwa.Van Wyk ngoka alonga oomvula 22 moshikondo shopolisi shokukondjitha iingangamithi okwa ti meni lyosheenditho okwa nika mo ezimba ewinayi lyokokaina.Mosheenditho ina mona mo sha we, ndele sho a tala kohi yosheenditho okwa monoko ehala lya holekwa kohi, pehala mpoka opo hapu kala okugulu okutitano[sparawiel]. Sho aniwa a patulula ehala ndyoka okwa adha mo uupakete 62 wa gonyenwa mooplastica noshowo osellotape dheyimbi ndhoka adha mosheenditho, osho a ti.Uupakete mboka aniwa owa li wuna okokaina. Paulo na Antonio oya kwatwa nokuningilwa oshipotha.Konima ishewe yoomwedhi omugoyi omugandjimalombwelo gwoshikondo shiingangamithi poKeetmanshoop, Omutaleli omukuluntu,Barry de Klerk okwe mu lombwele kutya opu na omuntu a hala okuyaka, osheenditho shoka ,oshoka aniwa omuna natango okokaine, Van Wyk a lombwele ompangu.Okwa ti okwa hingi eta yi a ka tale oonakufekelwa mbaka kondholongo koMalinda hoka oko ya li ya edhililwa, nokwe ya eta ko Keetmanshoop .Momeho gawo okwa kutha ko okugulu kwospare hoka kwapatelwa kosheenditho nokwa kutha ko woo etayela konima yokunika ezimba lyokokaina, mokugulu moka omwaadhika uupakete 14 wu na okokaine aniwa wa faathana naamboka 62 wa adhikile kohi yosheenditho shoka.Van Wyk ota tsikile nehokololo lye.Omupevitamanekindjai, Johnny Truter oye ta pula la pula mbaka.