Aadhipagi naya geelwe nonyanya: aahololimadhilaadhilo taya indile

O NGUNDU onene yoomeme, mewiliko lyEhangano lyOomeme Aagundjuka Aakriste ndyoka tali wilikwa ku meme Anita Isacks, omutenya gwEtitatu lya zi ko, oya ningile ehololomadhilaadhilo mOshakati moka ya kondema noonkondo omadhipago nomahepeko gaakwashigwana mu Namibia, unene tuu goomeme nuunona.

Oya indile kEpangelo kutya oonakudhipaga mbaka naya kale taya pewa omageelo ga yaga kegonga, inaya pewa we oobooloha na inaya kala wo taya tekulwa nawa sho ye li moondholongo. Oomeme mbaka oya maashinga okuza kegumbo lyomusamane Matheus Ambunda kUukwedhidhi, hoka, Ambunda taku tiwa kutya okwa fikile omukulukadhi gwe mondunda nokufika po wo egumbo lyawo alihe petameko lya Juni nuumvo.Oya kala nee ya yedha Omaplakata ngoka taga ti kutya oonakudhipaga naya pewe omageelo ga yaga kegonga.Taya indile momagumbo mu kale ombili nesimanekathano.Taya indile wo kutya ohake nayi galuke.Mombapila yawo yomanyenyeto, ndjoka ya gandja ku Mengestrata Omukuluntu gwa Shakati meme Helena Ekandjo, e yi pewa kOmupopiliko gwawo Anita Isacks, oonakuhololomadhilaadhilo mbaka, otaya ti kutya, konima yoomvula ntano sho Oveta yokukondjitha Omakwatonkonga noshowo ndjoka yOkukondjitha Omainingilo omiyonena momagumbo dha yi miilonga, onkee ngaa taku lopotwa omakwatonkonga ogendjigendji moshilongo.Ekwatonkonga lyuunona uushona otali uhala tali lopotwa esiku noshiwike kehe mIikundaneki, ihe oomeme onkee ngaa taya kwatwa koonkondo nokudhipagwa paumbalimbali.”Omainingilo omiyonena dhomomagumbo onkee tadhi tsikile,” Oonakunyenyeta taya ti ngawo nokutsikila ko taya pula kutya, “Iipotha ingapi yoludhi nduka inayi lopotwa?” “Oomeme nuunona otaya mono iihuna molwashoka kaye na otseyo yi li pombanda li na sha nuuthemba wawo noshowo omikalo ndhoka dhi li po dhokulopota omiyonena taye dhi ningilwa,” Oomeme mbaka taya ti ngaaka.Oya lombwele wo Epangelo kutya iiningwanima yimwe ohayi lopotwa, ashike oonakuyona kaya pewa nande omageelo ga yaga kegonga nohaya pewa ashike uuthemba wokwiifutila mo moondholongo nokushuna ishewe moshigwana moka, moka taya katsilila ishewe nomaukolokoshi gawo.Oomeme mbaka otaya ti kutya yo oya limbililwa noonkondo komageelo ngoka haga pewa ookawalala mbaka mOompangu dhoshilongo.Taya pewa ashike uugeelo uushona omanga ya yona omayono omanenene nomatilithi mokati koshigwana.Taya ti oya kankwa unene kedhipago lya meme Enata Uulumbu ngoka taku tiwa kutya a dhipagwa tango komusamane gwe Matheus Ambunda, ndele te mu fikile mondunda yawo yokulala mOsoondaha yeti 10 Juni 2007 pegumbo lyawo pUukwedhidhi mOshitopolwa sha Shana.Oonakuhololomadhilaadhilo mbaka taya indile kEpangelo li tule miilonga meendelelo Ooveta ndhoka dha tumbulwa metetekelo nodhi longithwe mokati koshigwana opo kukelelwe iimbuluma yoludhi nduka mokati koshigwana.Oya indila wo kutya oomeme nuunona mboka hau kwatwa koonkondo naya kale haya pewa ehungomwenyo, mwa kwatelwa oofamili naakwanezimo yawo.Taya indile wo kutya uuna aaleli, ayehe, yoshigwana taya ningi iipopiwa yawo, naya kale taya popi nokukunkilila oshigwana shi ethe po omahepekathano gomomagumbo, omadhipagathano nomakwatokonga, noshowo okupopya unene kombinga yetaandelitho lyomukithi omudhipagi gwo HIV-AIDS.Unene tuu Omupresidende uuna ta popitha oshigwana moshipopiwa she sha shewa shokupopitha oshigwana na kale ta tumbula mo iinima mbyoka noku yi tsa omuthindo.Oomeme oya indila wo kootate mboka ye li iilyo yomOmitumba dhOpashigwana, ya kale taya kunkilile aalumentu ooyakwawo kombinga yiimbuluma yatya ngawo.Taya ti wo kutya noomeme yomOmitumba moka nayo osho naya ninge.Oomeme mbaka oye uvite kutya shoka ya shanga mombapila yawo yomanyenyeto ndjika, otashi ka uvikiwa ko nokutulwa miilonga opo kugamenwe shili oomeme nuunona, mboka taya mono iihuna kombanda yevi huka omolu omahepeko nomadhipago gesiku kehe gatya ngawo.Mokutaamba ko Ombapila yawo yomanyenyeto, Mengestrata Ekandjo okwa ti kutya inaya ninga nande nayi sho ya holola omadhilaadhilo gawo, oye li mondjila.Mengestrata Ekandjo ta ti kutya uudhigu mboka ye na owo wo wu newe kuyo nokoshigwana ashihe.Onkee emaashingo nehololomadhilaadhilo lyawo olyuuvitike ko kukehe gumwe.”Onda uva ko kenyenyeto lyeni, notandi ke li thikitha kOmauministeli nokOombelewa oonene hoka mwa indile ndje ndi ke li thikithe, ngashi kOmbelewa ya Mengestrata gwOpashitopolwa, kUuministeli wUuyuki, Kuhahende ndjayi gwEpangelo noshowo kOmitumba mbali dhOpashigwana,” Mengestrata Ekandjo ta ti ngawo.Oomeme mbaka oya maashinga okuza kegumbo lyomusamane Matheus Ambunda kUukwedhidhi, hoka, Ambunda taku tiwa kutya okwa fikile omukulukadhi gwe mondunda nokufika po wo egumbo lyawo alihe petameko lya Juni nuumvo.Oya kala nee ya yedha Omaplakata ngoka taga ti kutya oonakudhipaga naya pewe omageelo ga yaga kegonga.Taya indile momagumbo mu kale ombili nesimanekathano.Taya indile wo kutya ohake nayi galuke.Mombapila yawo yomanyenyeto, ndjoka ya gandja ku Mengestrata Omukuluntu gwa Shakati meme Helena Ekandjo, e yi pewa kOmupopiliko gwawo Anita Isacks, oonakuhololomadhilaadhilo mbaka, otaya ti kutya, konima yoomvula ntano sho Oveta yokukondjitha Omakwatonkonga noshowo ndjoka yOkukondjitha Omainingilo omiyonena momagumbo dha yi miilonga, onkee ngaa taku lopotwa omakwatonkonga ogendjigendji moshilongo.Ekwatonkonga lyuunona uushona otali uhala tali lopotwa esiku noshiwike kehe mIikundaneki, ihe oomeme onkee ngaa taya kwatwa koonkondo nokudhipagwa paumbalimbali.”Omainingilo omiyonena dhomomagumbo onkee tadhi tsikile,” Oonakunyenyeta taya ti ngawo nokutsikila ko taya pula kutya, “Iipotha ingapi yoludhi nduka inayi lopotwa?” “Oomeme nuunona otaya mono iihuna molwashoka kaye na otseyo yi li pombanda li na sha nuuthemba wawo noshowo omikalo ndhoka dhi li po dhokulopota omiyonena taye dhi ningilwa,” Oomeme mbaka taya ti ngaaka.Oya lombwele wo Epangelo kutya iiningwanima yimwe ohayi lopotwa, ashike oonakuyona kaya pewa nande omageelo ga yaga kegonga nohaya pewa ashike uuthemba wokwiifutila mo moondholongo nokushuna ishewe moshigwana moka, moka taya katsilila ishewe nomaukolokoshi gawo.Oomeme mbaka otaya ti kutya yo oya limbililwa noonkondo komageelo ngoka haga pewa ookawalala mbaka mOompangu dhoshilongo.Taya pewa ashike uugeelo uushona omanga ya yona omayono omanenene nomatilithi mokati koshigwana.Taya ti oya kankwa unene kedhipago lya meme Enata Uulumbu ngoka taku tiwa kutya a dhipagwa tango komusamane gwe Matheus Ambunda, ndele te mu fikile mondunda yawo yokulala mOsoondaha yeti 10 Juni 2007 pegumbo lyawo pUukwedhidhi mOshitopolwa sha Shana.Oonakuhololomadhilaadhilo mbaka taya indile kEpangelo li tule miilonga meendelelo Ooveta ndhoka dha tumbulwa metetekelo nodhi longithwe mokati koshigwana opo kukelelwe iimbuluma yoludhi nduka mokati koshigwana.Oya indila wo kutya oomeme nuunona mboka hau kwatwa koonkondo naya kale haya pewa ehungomwenyo, mwa kwatelwa oofamili naakwanezimo yawo.Taya indile wo kutya uuna aaleli, ayehe, yoshigwana taya ningi iipopiwa yawo, naya kale taya popi nokukunkilila oshigwana shi ethe po omahepekathano gomomagumbo, omadhipagathano nomakwatokonga, noshowo okupopya unene kombinga yetaandelitho lyomukithi omudhipagi gwo HIV-AIDS.Unene tuu Omupresidende uuna ta popitha oshigwana moshipopiwa she sha shewa shokupopitha oshigwana na kale ta tumbula mo iinima mbyoka noku yi tsa omuthindo.Oomeme oya indila wo kootate mboka ye li iilyo yomOmitumba dhOpashigwana, ya kale taya kunkilile aalumentu ooyakwawo kombinga yiimbuluma yatya ngawo.Taya ti wo kutya noomeme yomOmitumba moka nayo osho naya ninge.Oomeme mbaka oye uvite kutya shoka ya shanga mombapila yawo yomanyenyeto ndjika, otashi ka uvikiwa ko nokutulwa miilonga opo kugamenwe shili oomeme nuunona, mboka taya mono iihuna kombanda yevi huka omolu omahepeko nomadhipago gesiku kehe gatya ngawo.Mokutaamba ko Ombapila yawo yomanyenyeto, Mengestrata Ekandjo okwa ti kutya inaya ninga nande nayi sho ya holola omadhilaadhilo gawo, oye li mondjila.Mengestrata Ekandjo ta ti kutya uudhigu mboka ye na owo wo wu newe kuyo nokoshigwana ashihe.Onkee emaashingo nehololomadhilaadhilo lyawo olyuuvitike ko kukehe gumwe.”Onda uva ko kenyenyeto lyeni, notandi ke li thikitha kOmauministeli nokOombelewa oonene hoka mwa indile ndje ndi ke li thikithe, ngashi kOmbelewa ya Mengestrata gwOpashitopolwa, kUuministeli wUuyuki, Kuhahende ndjayi gwEpangelo noshowo kOmitumba mbali dhOpashigwana,” Mengestrata Ekandjo ta ti ngawo.