Aadhani yoongonyo mboka ya yi le koCommonwealth otaya nyenyetelwa

O SHEENDO shAanamibia mboka ya li ya ka kutha ombinga mUudhano mboka hau ithanwa Commonwealth Games osha galukile kegumbo kohi yomapopyo guufuthi neindilo lyiimaliwa otayi popilwa yamwe yomuyo.

Namibia okwa li a kutha ombinga momathigathano ga Commonwealth Games 2006 mu Melboune sha Australia momasiku 26 ga Maalitsa nuumvo. Otaku popiwa kutya Aanamibia yamwe oya yaka iihanduke niinima yilwe moondunda moka ya li haya lala, omanga yamwe ya kutha mo omahalasa gomakende moondunda, oothewa dhooshampoo nosho tuu.Otaku hokololwa ngeyi kutya iinima mbika oye yi yaka esiku ya ziko.Pahokololo lyonzo yimwe, aniwa OmuAustralia gumwe omwiiyambi ngoka a li ta tonatele osipana ya Namibia okwa li a kunkwa unene esiku Aanamibia ya falwa kokapale koondhila ya shune kegumbo nokwali nokuli a nyengwa okufala oshapi ya yimwe yomoondunda moka mwali yamwe yomAanamibia molwashoka iinima yimwe oya li ya kuthwa mo.Onzo ndjika tayi hokolola ngeyi kutya iinima mbyoka oya ka galulilwa mo konima yoontamanana pokati ka menindjela gwosipana ya Namibia, Ambrosius Kandjii na yamwe yomaadhengingonyo.Kandjii okwa kondema uufuthi mbuka, onzo tayi popi ngaaka.Kepulo mEtiyali, Kandjii okwa hokolola ngeyi kutya opwa li okwaauthana pokati kaanambelewa yAaustralia nayamwe yomaadhengingonyo.Kandjii ta ti “kapwa li uupyakadhi kombinga yoshinima ashihe.”Pahokololo lya Kandjii, iinima ayihe mbyoka aadhengingonyo ya li “ya kutha papuko”, oya shunithwa.”Oshinima shika oshiwinayi kaadhengingonyo ngaashi naanaa u shi shi kutya uudhano woongonyo ouli mokati komaudhano ngoka haga ningi nawa moshilongo.Oshinima shika kashi li nawa, ashike uupyakadhi auhe owa kandulwa po nosha ningi nokukli ondjokonona,” ta popi ngaaka.Okwa popi ishewe kutya mokati kosheendo shAanamibia omwa li yamwe mboka ya li ya hala ukunyana ethano lyaadhengingonyo molwashoka oya dhana nawa pethimbo lyuudhano mbuka wa Commonwealth Games.Omudhengingonyo Omunamibia Jafet Uutoni okwa sindana omendalia yoshingoli pethimbo lyuuthano mbuka.Omukwawo ngoka a mono omendalia yoshikushu oye Friedhelm Sack ngoka e yi mono pethimbo lyokuumba ombistoli oometa omulongo hoka.Kandjii okwa ti kutya aantu yamwe mosheendo sha Namibia oya kala nokukonga oomahololo omawinayi taye ga ningile aadhani ya Namibia unene tuu moongundu moka mu na aaluudhe.Menindjela gwa kwalukehe gwosipana ya Namibia, Alna Similo okwa hokolola ngeyi mEtiyali kutya olopota kombinga yAanamibia muudhano mbuka otayi ka ningwa notayi ka pewa Okomisi yedhina Namibia Sport Commission NSC) nosho wo Namibia National Olympic Committee (NNOC).Okwa popi ishewe ngeyi kutya opwa li pwa lopotwa iinima yimwe ya kana, ihe kapu na nando Omunamibia a hadhwa pethimbo ya falwa kokapale koondhila nombesa.Similo okwa ekelehi omapopyo kutya yamwe yomaadhengingonyo Aanamibia oya indile iimaliwa kaaiyambi yAaustralia.Onzo yimwe oya popi kutya aadhengingonyo oya popi kutya oohepele pethimbo ya hiwa kofaalama yomukwayina gwomwiiyambi gumwe hoka.Similo ta ti nando nee aadhani oya li ya pulwa ya fute okamaliwa okashona, okwa li a lombwele Aaustralia kutya itaya vulu okufuta, naanambelewa otaya ka tala kutya otaya ningi po shike.”Ta ti ke na ontseyo ya sha kombinga yaadhengingonyo mboka taku popiwa ya indile aantu iimaliwa.Aniwa Aaustralia oya li ya longekidha omaulikilo gi ili nogi ili muule wiiwike itatu mbyoka Aanamibia ya kala kuudha mbuka mo Melbourne.Onzo otayi ti kutya yamwe yomaadhani oya landitha po uumbindja wawo koondola/$500 mokambindja omanga yamwe ya paathana uumbindja naadhani yalwe aakwiilongo.Similo okwa ti Aaustralia oya tula omatseyitho kekuma taya pula ngele opu na Omunamibia a hala okulanditha po iikutu ye.”Oshinima shika osha ningwa mombepo ombwaanawa, molwashoka yamwe yomaadhani oye wete kutya oye na okulanditha po uumbindja wawo nelalakano ya lande iinima yilwe,” ta popi ngaaka.Ta ti aalandi mboka kaya li taya nyenyeta nando.okwa gwedha po wo kutya okwa mona Aanamibia yamwe taya gandja uumbindja wawo u na oshihako sha Namibia nedhina kAaustralia oshali.”Onda mono yamwe taya paathana uumbindja, nangame onda gandja po nokuli kandje oshali.Osipana ya Namibia oya galukile kegumbo mEtiyali lya zi ko.Otaku popiwa kutya Aanamibia yamwe oya yaka iihanduke niinima yilwe moondunda moka ya li haya lala, omanga yamwe ya kutha mo omahalasa gomakende moondunda, oothewa dhooshampoo nosho tuu.Otaku hokololwa ngeyi kutya iinima mbika oye yi yaka esiku ya ziko.Pahokololo lyonzo yimwe, aniwa OmuAustralia gumwe omwiiyambi ngoka a li ta tonatele osipana ya Namibia okwa li a kunkwa unene esiku Aanamibia ya falwa kokapale koondhila ya shune kegumbo nokwali nokuli a nyengwa okufala oshapi ya yimwe yomoondunda moka mwali yamwe yomAanamibia molwashoka iinima yimwe oya li ya kuthwa mo.Onzo ndjika tayi hokolola ngeyi kutya iinima mbyoka oya ka galulilwa mo konima yoontamanana pokati ka menindjela gwosipana ya Namibia, Ambrosius Kandjii na yamwe yomaadhengingonyo.Kandjii okwa kondema uufuthi mbuka, onzo tayi popi ngaaka.Kepulo mEtiyali, Kandjii okwa hokolola ngeyi kutya opwa li okwaauthana pokati kaanambelewa yAaustralia nayamwe yomaadhengingonyo.Kandjii ta ti “kapwa li uupyakadhi kombinga yoshinima ashihe.”Pahokololo lya Kandjii, iinima ayihe mbyoka aadhengingonyo ya li “ya kutha papuko”, oya shunithwa.”Oshinima shika oshiwinayi kaadhengingonyo ngaashi naanaa u shi shi kutya uudhano woongonyo ouli mokati komaudhano ngoka haga ningi nawa moshilongo.Oshinima shika kashi li nawa, ashike uupyakadhi auhe owa kandulwa po nosha ningi nokukli ondjokonona,” ta popi ngaaka.Okwa popi ishewe kutya mokati kosheendo shAanamibia omwa li yamwe mboka ya li ya hala ukunyana ethano lyaadhengingonyo molwashoka oya dhana nawa pethimbo lyuudhano mbuka wa Commonwealth Games.Omudhengingonyo Omunamibia Jafet Uutoni okwa sindana omendalia yoshingoli pethimbo lyuuthano mbuka.Omukwawo ngoka a mono omendalia yoshikushu oye Friedhelm Sack ngoka e yi mono pethimbo lyokuumba ombistoli oometa omulongo hoka.Kandjii okwa ti kutya aantu yamwe mosheendo sha Namibia oya kala nokukonga oomahololo omawinayi taye ga ningile aadhani ya Namibia unene tuu moongundu moka mu na aaluudhe.Menindjela gwa kwalukehe gwosipana ya Namibia, Alna Similo okwa hokolola ngeyi mEtiyali kutya olopota kombinga yAanamibia muudhano mbuka otayi ka ningwa notayi ka pewa Okomisi yedhina Namibia Sport Commission NSC) nosho wo Namibia National Olympic Committee (NNOC).Okwa popi ishewe ngeyi kutya opwa li pwa lopotwa iinima yimwe ya kana, ihe kapu na nando Omunamibia a hadhwa pethimbo ya falwa kokapale koondhila nombesa.Similo okwa ekelehi omapopyo kutya yamwe yomaadhengingonyo Aanamibia oya indile iimaliwa kaaiyambi yAaustralia.Onzo yimwe oya popi kutya aadhengingonyo oya popi kutya oohepele pethimbo ya hiwa kofaalama yomukwayina gwomwiiyambi gumwe hoka.Similo ta ti nando nee aadhani oya li ya pulwa ya fute okamaliwa okashona, okwa li a lombwele Aaustralia kutya itaya vulu okufuta, naanambelewa otaya ka tala kutya otaya ningi po shike.”Ta ti ke na ontseyo ya sha kombinga yaadhengingonyo mboka taku popiwa ya indile aantu iimaliwa.Aniwa Aaustralia oya li ya longekidha omaulikilo gi ili nogi ili muule wiiwike itatu mbyoka Aanamibia ya kala kuudha mbuka mo Melbourne.Onzo otayi ti kutya yamwe yomaadhani oya landitha po uumbindja wawo koondola/$500 mokambindja omanga yamwe ya paathana uumbindja naadhani yalwe aakwiilongo.Similo okwa ti Aaustralia oya tula omatseyitho kekuma taya pula ngele opu na Omunamibia a hala okulanditha po iikutu ye.”Oshinima shika osha ningwa mombepo ombwaanawa, molwashoka yamwe yomaadhani oye wete kutya oye na okulanditha po uumbindja wawo nelalakano ya lande iinima yilwe,” ta popi ngaaka.Ta ti aalandi mboka kaya li taya nyenyeta nando.okwa gwedha po wo kutya okwa mona Aanamibia yamwe taya gandja uumbindja wawo u na oshihako sha Namibia nedhina kAaustralia oshali.”Onda mono yamwe taya paathana uumbindja, nangame onda gandja po nokuli kandje oshali.Osipana ya Namibia oya galukile kegumbo mEtiyali lya zi ko.