Aachina ya hala okulanda po Skorpion

OMAHANGANO goomina mOchina oga hala okulanda po omina yaSkorpion Zinc. Momahangano ngaka omwa kwatelwa ehangano lya China Minmetal Corporation, pamwe nomakwawo ngoka taga lalakana okulanda po ehangano ndika lya Anglo-American ta li landithwa po, pamwe noomina dhimwe dho zinc miitopolwa yi ili no yi ili muuyuni, pahapu yoshikundaneki sha China shedhina China Daily.

‘Onzo yi shi oshindji moshinima shika oya ti Minmetal, nehangano lya kala mu Shenzhen ha li ithanwa Zhongjin Lingnan Nonfemet noshowo ehangano lyokumina lya Canada lyedhina Teck Resources moka China ena iipambuliko yooperesenda 17 okupitila mehangano lyedhina China Investment Corporation oge li moonkundathana oku tala ngele otaga kutha omina ndjika ya Skorpion.Onzo ndjika oya tsikile ta yi ti konima sho Minmetal a landa ko ehangano ha li ithanwa Oz Minerals olya tameke okukonga oonzo odhindji dho zinc opo li gwanithe po ompumbwe yalyo yoshiyela shika.Pahapu yoshikundaneki sha China shedhina China Daily onzo okuza koChina Minmetals oya ti ehangano olya hala okulanda omina yozinc okuza kuAnglo American ndele ina tsikila ko we noshindji mwaashika, omolwaashoka, shika oshi li oshiholekwa natango.Omwedhi gwaziko Anglo American okwa ti ota shonopeke ewiliko lye na ota landitha iitopolwa yimwe mbyoka kaayi nasha niinene longa yehangano, opo ya shonopeko iizemo yehangano.Uuyamba wumwe mboka Anglo American a tokola a landithe po ongaashi Scaw Metals, Coperbras, Catalao na oomina adhihe dhozinc.Pamwe nehangano lya Tarmac mbika oyo yimwe yiitopolwa mbyoka Anglo American a ti ota landitha po. Mbika oya etele, ooperesenda 11 dhiiyemo yAnglo American yomumvo 2008.Oshitopolwa she shozinc sha kwatelamo omina ya Skorpion Zinc, moNamibia, Lisheen mIreland, Black Mountain na Gamsberg Projetc moSouth Africa.Pethimbo olyo tuu ndyoka MetalBulletin oya kundaneke kutya Exxaro Resources na Anglo American ota ya kundathana opo ya landithe iikwamina yawo yozinc ongo oshihampi shimwe opo ya vule okumona omulandi.Omuwiliki gwiimaliwa mehangano lya EXXARO, Wim de Klerk okwa ti oya kala taya lengalenga koompito odhindji, nkene ta ya landithapo iikwa zinc yawo ongo oshihampi.