9 ya tulwa kohake mu Sudan

KHARTOUM – Epangelo lya Sudan mOmaandaha goshiwike shika olya tula kohake aalumentu ye li omugoyi, sho sha monika mo kutya oyo ya dhipaga Omukuluntuwiliki gwoshifokundaneki shimwe momumvo 2006.

‘Aantu ye li omugoyi ye na ondjo moshipotha shika oya li ya tulwa kohake nena,’ onzo yimwe yomauyelele osho ya popi ngaaka.
Aalumentu mbaka oya za koshitopolwa sha Darfur, shoka shi li tashi hepekwa komakuyunguto pokati kOorebele naakwiita yEpangelo.
Otaku popiwa kutya aalumentu mbaka oya tulwa kohake mondholongo ya Kober yi li mu Khartoum.
Omutoolinkundana gumwe gwoshitumikundaneki sha Reuters okwa li a mono ongundu yaakwanezimo yaalumentu mbaka naakiintu yamwe taya lili.
Omudhimba gwa Mohamed Taha Mohamed Ahmed, ogwa li wgi itsuwa mondjila ombwiinayi mu Khartoum mu Septemba 2006. Omake nomagulu ge oga li ga mangwa, omanga omutse gwa li gu li pooha dholutu.
Kuyele momumvo 2003, AaSudana mboka kaye shi yeitaalo lyOshiAaraba oya li ya kutha omatati, taya lwitha Epangelo molwashoka aniwa itali ya ningi nawa.
Pethimbo ndika, aantu ye li 200 000 oya sile momakuyunguto ngaka omanga ya konda pomiliyuna yimwe oshinkwanu heyali Ya thiga po omagumbo gawo.
– Nampa-Reuters