4 ya mangwa po mu Mozambique

MAPUTO – Onkundana okuzilila ku Maputo sha Mozambique otayi ti kutya aakwiilongo yane oya kwatwa po mu Mozambique sho aniwa ya li ya hala okutuka ookemikala mOndama yoonkondo dholusheno, Opolisi ya Mozambique osho ya tseyitha ngaaka.

Omugandjimulombo gwOpolisi ya Mozambique, Pedro Cossa, okwa lombwele aanankundana mu Maputo kutya OmuSouth Afrika, OmuBotswana, Omundowishi nOmuputu, oya li ya kwatwa po sho aniwa ya li ya hala okutula ookomekila moopepela yOndama ndjoka yi li pomulonga gwa Zambezi.
Cossa okwa Opolisi oya kutha ko ooshako dhookilogalama 500 dhokomekila ndjika, inaku monika natango edhina lyayo.
Aafekelwa oya li ya kwatwa taya tula iinima moopepela yondama,’ Cossa osho a popi ngaaka, ihe ina gandja omadhina gaafekelwa mbaka Ondama ndjika ohayi gandja wo olusheno ku South Afrika na Malawi. Opu na wo opulanda okukwatakanitha ondama ndjika na Botswana, Tanzania na Swaziland. Ondama ya Cahora Bassa oya li ya tungwa po pethimbo lyEpangelo lyookoloni wAaputu momumvo 1974 na momumvo 2007, oya yi miikaha yEpangelo lya Mozambique.
– Nampa-Sapa