OMULUMENTU gumwe gwoomvula 39 okwa kwata po kOpolisi shi na sha nefikilo mo monduna lyuunona uyali nedhipago lyomukiintu gumwe, sha ningwa koonguladha dhOmaandaha goshiwike shika.
Omugandjimulombo gwOpolisi, Sergeant Stephan Nuuyi, okwa ti kutya efikilo monduna lyuuona mbuka nedhipago lyomukiintu nguka (gwoomvula 23) oya ningwa lwopotundi ontiyali yuusiku pegumbo limqwe mOutjo.
Otaku popiwa kutya nakufelelwa iikonga mbika okwa li tu umna nomukiintu nguka, Bertina Uwu-Khaes, shoka sha eta nee aniwa omulumentu nguka e mu tse nomwele iikando yi li omilongo niihetatu e ta si.
Omukiintu gumwe ngoka a li aniwa a kambadhala okusitopa omulumentu, naye okwa li a tsuwa iikando omulongo na ngashiingeyi oku li mOshipangelo pOutjo, e li monkalo ombwiinayi. Uunona mbuka uyali: Seonndele na gabathuler, owa li megumbo sho omulumentu nguka a tameke okutsa aakiintu mbaka na konima nee sho a ningi ngaaka, okwa tsu omulilo megumbo ndika.
Nakufekelelwa oshinima shika okwa ningilwa oshipotha shedhipago, efikopo lyegumbo noshonkambadhala yedhipago.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
