12 ya kwatwa po sho yanagula omukanka

AANTU ye li 12 oya kwatwa po kuyele nuumvo mOnooli sho ya yonagula omukanka gwomeya gwopokati ka Shakati na Ruacana.

Pamushangwa,NamWater okwa ti kutya oshinima shaantu taya yono omukanka nguka, osha li sha piyaganeke oonkambadhala dhOkampani okumana okwoopaleka omukanka konima sho gwa li gwa teywa komeya gefundja omumvo.
Omugandjimulombo gwa NamWater Johanness Shigwedha, okwa ti aantu mbaka oya li ya mangululwa konima sho ya futu Oondola/N$500 kehe gumwe. NamWater okwa ti eyonagulo lyomukunka nguka otali ka pula aniwa Okampani ndjika oshimaliwa shOondola/N$400 000.
Oonkundana paufupi
Ondhila ya Russia otayi ka thika pokapele koondhila ka Hosea Kutako ngula,okweeta iilongitho yAanambia mboka ya dhengwa komeya gefundja. Omukalelipo gwa Russia mu Namibia, Nikolai Gribkov okwa ti miinima mbika omu na omiti, oonete, iikulya nosho tuu.\Gribkov okwa ti ondhila ndjika otayi ka thika lwopotundi ontintatu na Omupeviprimaminista gwopevi, Libertina Amathila, oya ta ka taamba iinima mbik.
9 ya dhipagwa mu Somalia
AAPIYGANEMKI mu Somali oya umbu oomolotiila kegumbo lyOmupresidende moshilandopangelo Mogadishu nokudhipaga aakwashigwana ya heyali naakwiita yEpangelo ye li yaali.