A pumbwa oku konakonwa moondunge dhe

OMUFEKELWA ngoka ta fekelelwa ekengelelo, lyoku tula omwaalu gwiimaliwa yiifundja mkambo ke kombaanga okwa tokolwa kutya na tuminwe kaanawino yomoondunge opo a talike ngele oku li tuu nawa momutse.

Omufekelwa Warren Amos Mumbone[42] okwa fekelwa a tulile omwaalu gwoodola oomiliona 30 mombaanga ye eshi ningile okupitila meshina lyokunana iimaliwa lyombaanga ya Standard moVenduka momasiku ga 6 April nuumvo.Pahapu dhahahende gwa Mumbone, Brian Kauta, ndhoka a lombwele mengestrata Ingrid Unengu, omuyakulwa gwe okwa pumbwa oku tuminwa kaanawino yomondunge opo ye mu konakone ngele oku li nawa momutse opo a kale miihokolola mbyoka yopahofa.
Eindilo ndika lya Kauta ina li kondjithwa na mengestrata, Unengu okwa gandja elombwelo kutya Mumbone na tuminwe koshitopolwa shontseyo yomoondunge opo a ka konakonwe kutya oku shi tuu shili olulyo nolumoho na ota vulu oku pangulilwa etamaneko ndyoka ta lundililwa. Mumbone ota lundilwa a kengelela sho a ti okwa pungula iimaliwa yoodola oomiliona 30 okupitila peshina lyo ATM lyombaanga ya Standard moVenduka momasiku 6 April nuumvo, ndele nee paushili ngoka aniwa ina tula mo oshimaliwa mekutu a tula meshina. ndyoka osho omalundilo ngoka a ningilwa taga ulike. Ndele shoka tashi kumitha ooshoka kutya  epungulo ndika olya ziminwa noku pitikwa kutya olya longwa mondjila , niimaliwa mbyoka na ku yi pungula ota vulu oku yi longitha ngaashi yili moaccounta ye mombaanga ndjoka.Sho a mono kutya iimaliwa mbyoka oko yili moakounda ye, nguka aniwa okwa tameke oku yi nanako, moku landa iinima noshowo oku yi kuthako koomuma omanga inaa kwatwa momasiku 20 April nuumvo. Embaango ndika olya li lya lundululwa nokumwenekwa kombaanga momasiku 17 April, nopethimbo shoka sha ningwa, Mumbone okwaadhika alongitha po nale iimaliwa yoodola omayovi 17 704.Omutamaneki Phineas Nsundano okwa lombwele mengestrata Unengu kutya omakonakono moshinima shika ina ga manithwa natango . Ota pa konakonwa natango kutya osheende ngiini opo iimaliwa mbyoka yaashi yoshili yi pitikwe okulongithwa. Konima yeholoko lye mompangu Mumbone okwa lombwele o The Namibian, kutya oku na iimaliwa ya pungulwa ko America yoodola dha America yoomiliona 860.Mumbone okwa ti iimaliwa mbyoka apewa.dja Jackson.

---