Epandaanda lyEveline ta li longululwa

OSHILANDO sha Venduka osha tameke okulongulula epandaanda lya Eveline, limwe lyomomapandaanda giipyakidhila unene momukunda gwa Greenwell Matongo mo Katutura.

Omushangwa gwoonkundana gwa zi mombelewa yomukuluntupitithi gwoshilando, ogwa ti iilonga yokutunga ondjila ndjoka oya tameka no ta yi hulile mo 10 gomwedhi nguka. Ondjila ndjika oyu udha iilambo mbyoka ya etwa komeya ngoka haga tondokele moka okuza  piiyogelo yomahauto mbyoka yi li mpoka oyindji noonkondo. Ota ku tiwa iiyogelo yiiyenditho mbyoka oyo ta yi oleke oteya nopamukalo nguka iihauto ngele ya ende mpoka pwa nengena nena otapa tameke omalambo .

Omuinginia omukuluntu gwiiyenditho moVenduka, Dirk Reed okwa koleke ku Nampa kutya  ondjila oya edhilwa shili, opo yi opalekwe.

 Reed okwa ti eyopaleko lyondjila ota li ka kwatelamo etungepo lyomikanka dhokufala omeya oku ga keelela ga ye mepandaanda noku li yonagula ngaashi sha ningwa ngashingeyi. Okwa endulula kutya iiyogelo yiiyenditho ina yi pitikwa oku kala kooha dhondjila, oshoka ota yi yonagula ondjila. Okwa ti ngashingeyi iilonga ta yi ningwa oyo ku opaleka ondjila okufila iilambo mbyoka yi li mo osho Reed a ti.

Okwa ti oshilando sha Venduka otashi ka katukila mboka ha ya yogo iiyenditho kooha dhepandaanda lyEveline onkatu nokuya kutha po mpoka.

---