Uundjolowele tawu tala uuvu woshinanena

OSHIGONGI oshitimilongo 31 sho Namibian Medical Association Congress, shoka sha hulu ehulilo shiwike lya piti osha kundathana iinima oyindji ya pamba uundjolowele pethimbo lyongashingeyi.Oshigongi osha tala nokukonenena omavu ngoka ngaashingeyi itaaga aluka nuupu, noshowo uuvu wokankela.

Aapopi poshigongi shika oya li ya kundathana nkene taya mono omayamukulo kombinga yomavu goshinanena, ngoka ihaaga aluka nuupu noshowo uuvu wokankela.Oya kundathana nokutopola uunongo uupe mboka wa monikwa po ngaashingeyi kaapekaapeki muuyuni.

Pahapu dhominista yopevi yuundjolowele, Petrina Haingura oshigongi osho ehala ewanawa mpoka aaniilonga yuundjolowele taya tsikile okwiilonga omalunduluko ngoka tageya moshikondo shuunamiti.

Okwa pandula oonakulongekidha sho ya longekidha opo aaniilonga yuunamiti ya vule okwiihumitha komeho muunamiti.
Haingura okwa popi kombinga yomavu goshinanena ngoka kaageshi gomukwayu, nokwa zimine pamwe  WHO kutya monakuyiwa iilongo yAfrika otay ka kala nokweeha,ma omavu ngaka ogendji gomugo haga vulu okukeelelwa..
Okwa ti Aanamibia naya kambadhale okukeelela oku kwatwa kuuvu wosuuka, eyondo noshowo iitiyanathigo itaa yi longo nawa.