Iifendela ya gwedhwako otayi kuthwa ko kosuuka nomahini

AALANDI yosuuka noshowo omahini itaya ka futa we iifendela ya gwedhwako[VAT] masiku. Shika oshi li po ku ya miilonga sha landula sho ontotwampango tayi lundulula ompango yo VAT ya tulwa komeho goparliamende metitatu.

Ominista yopevi Yiimaliwa, Tjekero Tweya okwa ti eshongo ndyoka lyiinyengitha omahupilo guuyuni pashimaliwa  pethimbo ndika olya eta kutya, oshilongo osha pumbwa oku kwathela aantu yasho.
Epangelo olya tokola opo kaali pule aalandi yosuuka, nomahini ya fute iifendela yo VAT kiipumbiwa mbika yesiku kehe mbyoka hayi longithwa komuntu kehe mwakwatelwa ayehe yehe naamboka yena iiyemo yi li pevi. Iilandithomwa yoludhi  nduka mbyoka itayi tulwa oVAT oyo osuuka ontokele, ontiligane noshowo omahini inaaga hikwa. Oshikwawo ishewe ooshoka kutya omayakulo gopaunamiti nogekwathelo lyopaunamiti nago itaga ka futilwa oVAT, iilonga yokufumvika nayo itayi futilwa oVAT.
Ompango ndjika oya tegelelwa yi ye miilonga meni lyiiwike yontumba shampa egumbo etiyali lyokutota oompango nokudhikonakona lyeyi zimine.