Etengeneko lyomvula yethimbo lyomuloka gwa tegelelwa

IITOPOLWA oyindji ya Namibia oya tegelelwa yi ka mone omvula yili nawa sigo omvula yili pombanda, pethimbo lyomuloka gwa tegelelwa oku tameka omwedhi tuuka.

Uuyelele mbuka owa gandjwa kombelewa yokutengeneka onkalo yombepo ya Namibia moVenduka. Oshitopolwa oshinene sha Namibia osha tegelela okumona omvula yili nawa, kakele kiitopolwa yokuuninginino mbyoka ya tengenekwa tayi ka mona ashike omvula yooperesenda 25 nenge nookuli ooperesenda dhili pevi pethimbo lyoshikako shotango shomuloka okutameka mo Kotoba sigo omu Maalitsa omumvo tuuka.
Etengeneko lyomuloka muuninginino woshilongo kali shi ewanawa oshoka omvula ndjoka ya yelekwa ta yi ka loka moka oyi li ashike pooperesenda 35  uule wethimbo lyomumvo aguhe. Etengeneko lyomuloka olya longekidhwa Southern Africa Regional Climate Outlook Forum, ndyoka lya kwata iilyolongo ayihe yomoshitopolwa sha SADC. Etengeneko olya ti momumvo gwomuloka tuuka oshitopolwa oshinene sha Namibia osha tegelela konyala omuloka gu li nawa kakele koshitopolwa sha Caprivi shoka sha tegelela oku ka mona omvula yooperesenda 35 dhomvula yili pombanda  pokati ka Kotoba na Desemba noshowo ooperesenda 40 dhomvula yili nawa  nooperesenda 25 dhompito yomvula yili pevi kashona.
Oshitopolwa sha Caprivi, oshitopolwa sha Kunene, Erongo, noshitopolwa sha Hardap oyina ompito yokulokwa omuloka guli pombanda nooperes25 omanga ooperesenda 40 opena ompito iitopolwa mbyoka yi lokwe omvula ndjoka yili nawa, nompito yomuloka guli pevi lyaangoka guli nawa oyo ooperesenda 25 miitopolwa mbyoka. Iitopolwa mbika oya tengenekelwa omvula yili nawa noshowo ndjoka yili pevi pethimbo lyomuloka pokati ka January sigo Maalitsa omumvo tuuka.

---