Ehangano lyaahingi yootaxi lya yumukapo moVenduka

EHANGANO lyaahingi yootaxi moNamibia lya yumudhwapo konima yoomvula hamano sho lya li lya thikamithwapo. Namibia Transport and Taxi Union ehangano lya tulilwe miilonga omumvo 2006, ndele okuza mpoka olya kala itaali longo naanaa, ndele ngashingeyi olya yumukapo ishewe.

Pahapu dhomuperesidende gwalyo, Werner Januarie  ehangano oli na elalakano lyoku konga iilyo moshimpungu ashihe  shiiyenditho. Okwa ti oya hala okuhila aahingi yiiyenditho yoomitsalo naambyoka woo yaapashioni. Okwa ti NTTU ita kala ashike ena uukwashilyo wa ngambekelwa kaahingi yootaxi.
Okwa ti elalakano lyehangano olyo ndyoka okudhikapo omikanka ihumbato, noshowo omithika dhopaithano moshimpungu shika.Sigo oompaka ehangano ndika olina iilyo yili 250 konyala aahingi yeli 150 yomiilyo mbika oyo aahingi yootaxi.Januarie okwa ti ehangano olya hala woo oku kwathela okutula miilonga oveta yaaniilonga. Pahapu dhe aahingi yamwe yootaxi oye na uudhigu nuutile wokutidhwa miilonga ngele aniwa oya indile kutya oya hala okupewa efudho., nomolwashika mbaka oto, yaadha ta ya longo pwaana ethuwepo.Ishewe oyendji yomuyo iha ya futwa olutaima.
Okwa ti opena woo ombepo yokutidha noku gandja iilonga mokati kooyene yootaxi kwa manguluka nenge haku ningwa ngaashi mwene gwosheenditho uuvite.Omathimbo gamwe woo aahingi mbaka oha ya kala inaa ya futwa iimaliwa yoondjambi dhawo ngaashi dhuuvathanwa.Januarie okwa ti oshininma dhokufutithwa nasho kashi li nawa, na ota  shi kondjitha omautho gekotampango. Onkene okwa ti oya hala oku kundathana oshinima shika opamwe noparliamende opo, shika, shoopalekwe.
Okwa ti yo oya hala oku kalelapo  aantu mboka haya longo moshimpungu shika. Ehangano ndika olya gongalele lwotango mosoondaha yaziko  noshigongi shoka osha li sha kalwa kaahingi yootaxi oyendji. Okwa ti oya thaneka okuninga iigongioyindji monakuyiwa. Omuperesidende gwehangano lyuumbesa nuutaxi, Magnus Nangombe okwa pandula eyumudhopo lyehangano ndika, a ti otashi vulika lyeetepo ombepo ombwanawa maahingi.

---