Omimvo ntano dhiilongadhalwa yaanona dha tulwa miilonga

UUMINISTELI wUukashike kOokantu, nOnkalonawa yUunona owa tula miilonga shoka wa luku National Agenda for the Children 2012-2016. Etulo miilonga lyomathaneko ngaka kombinga yuunona olya ningwa pethimbo lyokudhimbulukwa esiku lyomunona omuAfrica mOlyomakaya ga yi.

Elalakano enene lyiilongadhalwa kombinga yuunona, osho oku shonopeka oluhepo mokati kawo. Amushangatakalele mOshikondo shoka, Erastus Negonga okwa ti elalakano olyo oku hwepopeka onkalo yaanona yoothigwa naamboka yeli monkalo yaashi ombwaanawa, moku tala kutya mbaka oya kwathelwa shiiwetikile puuyelele. Omuprima Minista Nahas Angula ngoka a tula opologarama ndjika miilonga okwa ti omunona omuNamibia oku li moshiponga, a ti oyendji yomaanona aaNamibia oye niwe kondjala, oyo oothigwa noshikwawo ka yena omagumbo moka ta ya zi.
Konyala ooperesenda 30 dhaanona aaNamibia ota ku tiwa ekoko lyawo olya ngunda, tashi ti aashona nenge aahupi oku yeleka nomimvo dhawo dhoshili.Angula okwa ti oshinima shika osha pumbwa oku talwa nawa, unene tuu oku shi talela meutho lyekotampango ndyoka ta li utha opo oshilongo okupitila mepangelo lyasho li humithe komeho nokukalekapo onkalonawa yaantu yoshilongo.Onkene oku pitila momatheneko ngaka, epangelo ota li uulike eitulemo lyalyo oku mweneka onkalo ndjika ombwinayi moka aanona mbaka ta ya iya dhamo.Iilongadhalwa thanekwa mbyoka oyina iishonekwa itano, kutya aanona ayehe ya kale yena uundjolowele noya paluka, yena ompito yithikepamwe mokulongwa elongo lyopetameko nolyongushu, yena ompito okumona epango lyombuto yo HIV lye yeeleka,noshowo ndyoka lyoku keelela yaakwatwe kombuto ndjoka, ya kale nonkalo yomuthika omwaanawa gwokukala, oku kala yena omaukwatya guukwashigwana, na ishewe aanona ayehe ya kale yeli megameno  okwa ethelwa, okulongelwa omiyonena nenge oku hepelkwa melongitho lyoonkondo, okulongithwa nayi noshowo okuthipwa ombinzi.
Omathaneko ngaka oga hala eitulemo okuza kiikondo 11 yepangelo, mwa kwatelwaOmbelewa yomuprima minista.

---