Oongulu dhokulongela po Polytechnic ya Namibia dhuudha

OONGULU dhokulongela aalongwa penongelo lyopombanda lya Polytechnic ya Namibia ina dhi gwanena aalongwa mboka taku tengenekwa yeli lwopomayovi 13 000.Shika osha monikamo pethimbo lyekonakono ndyoka lya ningwa kuuministeli wElongo.

Ekonakono ndika olya li tali tala omapopyo kutya penongelo ndyoka otapa ningwa iinima yaashi iiwanawa no yaali melandulathano.
Ekonakono ndyoka lya ningilwe nokumanithwa mu Maalitsa nuumvo  olya ti aalongwa mboka taya ilongo iilongwa yopangeshefa oya nyenyeta kutya oongulu moka ha ya longelwa ohadhi kala dhuudha noonkondo. Oya ti etopolelo lyaalongwa moongulu dhomanongelo  olye ya,  itaalitha kutya ewiliko lyenongelo ndyoka olya ninga omathaneko gankundipala, oshoka oshipu okutopolela aalongwa moongulu dhokulongelwa unene tuu ewiliko tali vulu okutseya kutya aalongwa yangapi ya taambelwa menongelo omumvo kehe.
Onzo oku za penongelo ndyoka oya koleke kutya penongelo ndyoka opena eudhililo moongulu, oya ti opena omatompelo ga yooloka kutya omolwaashike pena onkalo yatya ngaaka.
Oshinima shika osha kolekwa woo komushangwahokololo gwa shangwa kongundu ndjoka ya li ya konakona enongelo ndyoka, gwa ti aanasikola yamwe oyi itaala kutya enongelo oha li taamba aalongwa yomwaalu gwa pitilila, niishewe ohali etapo iilonga iipe, nonando oli shishi kutya kapena omahala ga gwana goku longela.Omupopiliko gwa Polytechnic, Kaitira Kandjii okwa lombwele oThe Namibian kutya ita vulu oku gandja okomenda kombinga yomipopyo ndhoka, manga inaa pewa uuthemba komukuluntu gwenongelo, Tjama Tjivikua.
Ye ngoka aniwa okwa li iipyakidhila unene. Onzo yimwe oya ti eudhililo moongulu dhenongelo ndyoka olyeetwa sho epangelo ihaali gandja iimaliwa oyindji kenongelo ndyo ,onkene ndika oha li nana nuudhigu okutungapo oongulu oompe noshowo oku kalekapo ndhoka oonkulu dhili nawa. Osikola ndjika ota ku tiwa  pethimbo ndika oyina aalongwa miipundi yeli omayovi 6 738, omayovi 3 300 hay hiti komatango, naalongwa omayovi 2 927 taya iilongo ku yo yene, nomwalu aguhe kumwe ogwo aalongwa omayovi 12 965. Oshikwawo shoka sha monika inaashi gwanena aalongwa osho ongulu yomambo , nongulu yookompiuta.Ongulu yomambo pethimbo ya tungilwe nokweegululwa momumvo 2005, enongelo ndyoka olya li ashike lina aalongwa yeli pomayovi 5 986, pahapu dhonzo yimwe penongelo ndika. Ndele nee oku za mpoka sigo onena omwaalu gwaalongwa ogwa koko. Onkene omolwa uupyakadhi wokwaana oshimaliwa, enongelo ndika ota li ka longa nuudhigu okutamununamo ongulu yomambo. Kombinga onkwawo ekonakono olya ti aalongwa yamwe kaya uviteko kutya omolwashike enongelo ndika tali tungu omatungo omape guuinginia nuunawino wopamiti, omanga pena ompumbwe yoongulu dhokulongela aalongwa miilongwa mbyoka yilipo nagashingeyi.Aalongwa mboka ya kundathanwa nayo oya kwatelamo aakalelipo yaa ilongi mboka yuuvite kutya osha fa ewiliko lyenongelo lyawo kaali wete iinima mbyoka ya simana lina oku ninga.Aakalelipo yaailongi mboka ya pulwa oya ti oshafa ewiliko liwete olyo lya simana oku yeleka noompumbwe dhaalongwa, oku shitalela momalunduluko ngoka ga ningwapo komatungo gewiliko lyenongelo.
Ewiliko lyaalongwa olya nyenyeta woo kombinga  ye gwedhelo miifuta yosikola omumvo kehe, ndele shika ihashi endele aniwa pamwe nehwepopeko lyomayakulo ngoka aalongwa haya monoa. Aalongwa oya nyenyeta woo sho pwaana omahala gokudhanena penongelo ndyoka naashika osha etitha opo mbaka ya kale noku falwa komahala gokudhanena niiyenditho.
Omanga ewiliko lyoshiputudhilo shika olya ti ompumbwe yoongulu dhomanomgelo oya etwapo kokwaana oshimaliwa sha gwana opo oongulu ndhika dhi tamununwemo.Oshifo shika inashi vula oku kwtathana naMinista yElongo, Abraham Iyambo opo a tye sha.

---