Omafo giimaliwa mbyoka yina omutse gwa Nujoma ya nkundipala

OMAFO giimaliwa yoodola 10 naangoka goodola 20 ngoka ga tulilwe miilonga mo 16 May 2012, ogena uunkundi kombinga yethano lyokawe ndyoka ta li tanduka.

Iimaliwa yomafo mbika oya tulilwe momudhingoloko gwiimaliwa momahupilo oku pingenapo mbyoka iikulu, yo mbika okwa li kwa tiwa oya tulwa omaukwatya gegameno geli nawa oku yanda opo yaa fekelwe koombudhi. Ombaanga ya Namibia[BoN] oyi itulila ooN$154 oomiliona uule womimvo ndatu oku futila iilonga yegandjo nenyanyangidho lyiimaliwa mbika, yina omutse gwa Nujoma noshowo gwa Witbooi, nomaukwatya gegameno ga dhenga pombanda.
Gavena gwopevi gwoBoN, Ebson Uanguta okwa ti ombaanga oyi itaala kutya oshigwana oshina oku pewa shoka oshiwanawa. Okwa tsikile a ti ombaanga oya koneke nale kutya opena etanduko methano lyokawe hoka keli kiimaliwa yomafo ngoka goodola 10 noshowo 20.Okwa ti oshinima shika kashali shina okuholoka, ngele otashi talelwa muungomba wenyanyangidho lyomafo ngoka.
Okwa tsikile a ti omolwashika BoN okwa tameka ekonakono  pamwe naanawino yopaigwana kombinga yiimaliwa muuyuni oku tala kutya uupyakadhi mbuka owa ziilile naana peni. Ekonakono olya hala oku tala ngele endhindhiliko lyo kawe kiimaliwa mbika otali guko omolwa okulonga niimaliwa mbyoka nenge pamwe ota li guko molwashoka ohinga ndjoka ya longithwa okuyi nyanyangidha oyo yina ombiliha. Uanguta okwa ti iizemo yekonakono ndyoka otayi ka gandjwa meni lyoshiwike nenge iyali.
Okwa ti wo opena ompito opo omafo goludhi nduka ga nyanyangidhulululwe, nongele ehangano ndyoka lya nyanyagidha  mbika olyo li na epuko nena ndika ota li ka longulula iimaliwa mbyoka pamautho geuvathano lyiilonga. Okwa ti omwaalu gwiimaliwa mbyoka ya ninga nayi otagu ka tseyika okuuka mokati komwedhi taguya. Pethimbo ndika iimaliwa yongushu yoodola oomiliona dhili omathele 800 ota yi longithwa momahupilo goshilongo mwakwatelwa nomafo goodola 100 noshowo goodola 200.
Uanguta okwa ti omafo giimaliwa mbika iipe agehe goodola 10 , 20, 50, 100, noshowo 200 oga li ga lolwa nokutalika kutya oga kola omanga iimaliwa mbika inaa yi nyanyangidhwa komahangano geli mo Switzerlan d na France. Omalolelo ngoka oga li ga kwatelamo naandyoka lyokutonya oshimaliwa.Uanguta okwa fatulula a ti omafo goodola ndhoka o10 noshoo 20 ota shi vulika gena endhindhiliko lyokawe tali tanduka molwaashoka omukalo ngoka gwa longithwa oku yi tulako oguna ombiliha okuyeleka naangoka gwa longithwa mokutulako endhindhiliko kiimaliwa mbyoka yomwaalu omunene ngaashi oodola 100 noshowo 200. Uukwatya wegameno komafo gomwaalu omunene owuna oku ningwa uudhigu opo oombudhi dhaakambadhale okufekela iimaliwa mbyoka.
Uanguta okwa ti konyala onkalamwenyo yefo lyoshimaliwa olyo ethimbo lyoomwedhi 18. Ndele iimaliwa yomafo goodola 10 no 20 oha yi vulu oku kulupa mbala molwaashoka oha yi  longithwa olundji . Omumvo 2003 ombaanga ya Namibia oya li ishewe nuupyakadhi wiimaliwa yomafo goodola 20, shoka engeneta lyoshisilveri lyeenda kwali mokati kefo lyoshimaliwa shoka lya li ha li kakukako kefo ndyoka. Okwa ti ehangano ndyoka lya longele iimaliwa mbyoka omumvo ngoka halyo lya longo mbika yongashingeyi.
Okwa ti omukwashigwana ngoka ena oshimaliwa sha yonuka ne ke shi pingakanithe naashoka shili nawa pombaanga kehe yopaaipindi nenge pOmbaanga ya Namibia  moVenduka nomOshakati.Okwa kumike woo oshigwana opo shi longithe iimaliwa yasho nesimaneko enene nokwaa yi gonyagula inaa shi pumbiwa. oshi

---