NAC A fatulula eyalulo lya Napwu

EHANGANO lyuupale woondhila lya Namibia[NAC] olya ti lyo ina li tinda okunana ko iimaliwa yuukwashilyo waaniilonga mboka yeli mehangano lyaaniilonga lya Namibia Transport and Allied Workers Union[Natau].

Etindo ndika olya ningwa sha landula ethigathano ndyoka lili pokati ka Natau na Namibia Public Workers Union ngoka ta ti oye ena omwaalu gwiilyo oyindji mokati kaaniilonga yopo NAC.Omuwiliki gwoonzo dhopantu moNAC, Olavi Hamwele okwa ti ehangano lye olya simaneka uuthemba waaniilonga yalyo oku kala iilyo yomomahangano gaaniilonga, onkene ita li vulu oku kuthombinga miinima iishona yatya ngaaka.Okwa ti uukwashilyo kehe wa tseyithwa ohawu tulwa mbala mokompiuta yomafutilo goondjambi kakele shila ngele eindilo ndyoka olya taambwa konima yomasiku omulongo 15 gomwedhi, nena ndyoka olyo ashike tali falwa komwedhi gwa landula.Hamwele okwa ti ngoka ta ti ehangano lyetu iha li nana ko iimaliwa koondjambi dhiilyo yehangano lye oye ena oku gandja uumbangi mboka ena moshinima shoka.Okwa tsikile ati ehangano lye iha li gama ombinga moshinima shuukwashilyo waaniilonga yalyo momahangano gaaniilonga, na olina ekwatathano ewanawa naNatau noshowo Napwu. Omuniilonga gumwe oshilyo sha Natau okwa lombwele oThe Namibian kutya opena oompito dhimwe moka iilyo ya Natau, iimaliwa yuukwashilyo yawo ya li inaa yi nanwako koondjambi dhawo.Ati NAC aniwa okwa ti ita nanako iimaliwa mbyoka kakele uuna ndoka a lombwelwa eshi ninge komuniilonga yemwene.Omuniilonga ngoka okwa ti kapena nando ogumwe gwomuyo a lombwele NAC opo andola kaa naneko iimaliwa yawo yuukwashilyo mehangano lya Natau.Okwa tsikile ati oshikondo shoonzo dhopantu osha li shu uvaneke tashi ke ya ulukila omusholondondo gwomafutilo,gawo goondjambi nonkene iimaliwa yawo yuukwashilyo ya nanwako ndele aniwa euvaneko ndyoka ina li gwanithwapo.Okwa tikonima aniwa yoshiwike shimwe oya ka pewa ombapila ndjoka yatseyitha kutya Napwu oye a yalulwa ishewe  ongo omukalelipo gwaaniilonga mo NAC. Omuniilonga nguka okwa ti shika osho ashike uudhano wa luudha wopapolitika.Hamwele okwa ti sho uukwashilyo waNapwu moNAC wa shunine pevi mu April, ehangano ndyoka olya pelwe oomwedhi ndatu opo li ulike kutya olyo ishewe lina iilyo oyindji oku kalelapo aaniilonga mo NAC.Hamwele okwa ti nomasiku 3 July Napwu aniwa okwa ulike kutya oye ena iilyo oyindji moNAC yi vule ooperesenda 50 kwa gwedhwa yimwe.

---