Uupyakadhi wiiyagaya mOshakati

ENDUMBALO lyiiyagaya mOshakati aniwa ota li eta ezimba ewinayi moshilando shoka. Omukalimo gumwe gwomoshilando shoka okwa ti omolwashoka kapena elandulathano kutya iiyagaya oha yi kuthwa lungapi na unake, shika osha eta iiyagaya yi ndumbale nongeyi ta yi nikitha oshilando unene tuu pethimbo ndika lyokwenye nolyuupyu wa geya.

Omukalimo nguka a tindi okutumbula edhina lye okwa ti ye okwa tseyithila elelo lyOshakati oshinima shika shiiyaga ihaa yi toolwa mbala, ndele aniwa elelo lyOshakati  ina li ninga po sha.

Okwa ti uuna lya ningi posha,shika iha shi ningwa shalandulathana ndele omalupita.

Okwa ti osha fa tashi ulike kutya Oshakati inayi mona natango eyamukulo keshongo lyiiyagaya.

Aakalimo oyendji oshoka kayena omandoloma giiyagaya oha ya ekelehi ashike mpoka ye wete pwa ekelwahi.Okwa ti oshilando kashi li monkalo yomilema na iiyagaya yu umbilwa shaampoka oyo oshiponga kaanona momudhingoloko.Okwa ti pethimbo ndika lyokwenye sho ku na uupupyu iiyagaya ota yi ka ola eta yi gandja ezimba ewinayi.

Aakalimo yomOshakati  oha ya futu oodola 80 kehe omwedhi opo  iiyagaya yawo yi kuthwe po.

Omupopilko gwelelo lya Shakati, Anna Ingwafa okwa ti omanyenyeto ngaka otaga ka taliko nawa opo ga monenwe eyamukulo.Omanga meya gwa sha Shakati, Katrina Shimbulu okwa uvaneke taka longa kombinga ye okukaleka oshilando sha yela nawa.

---