Oshipotha shoombapila dhiikengelela sha tsilikwwa

OMUNGANGESHEFA gwomimvo 34 ngoka a taalela omatamaneko gahamano ge na sha nokulonga oombapila dhokuhinga dha Namibia dhiikengelela okwa holokele ishewe mompangu ya Mengestrata mo Rundu oshiwike sha zi ko.

Abraham Hafeni okwa kwatelwe kopolisi mo 12 ga Auguste sho kwa monika ena oombapila ne dhokuhinga dhiikengelela.Sho a holoka  okathimbo okafupi komeho gomupanguli Victor Nyanzo oshipotha she oshuundulilwa komasiku ga 8 ga Kotoba opo a popye ngele okuna ondjo nenge ahawe na opolisi yi tsikile nekonakono lyawo.
Palandulathano lyomatamaneko, Hafeni okwa taalela omatamaneko gane gokumbudhipaleka, limwe lyoku kala noombapila dhiifundja limwe lyokugandja oombapila eshi shi kutya kadhi shi dhoshili.
Otaku tiwa omulumentu nguka omugundjuka okwa longo iilonga mbika yaali pampango mokutungapo oombapila dhiifundja, eshi ningi ethimbo ele.
Omukuluntu gwOpolisi moshitopolwa sha Kavango Komufala Olavi Auanga okwa lombwele oshitumikundaneki sha Nampa kuyele kutya okode dhoombapila dhiifundja odha yooloka kwaandhoka dhoshili. Oombapila dhoshili dha Namibia odhina okode ha yi tameke na 03 ya landulwa konomola yoka mutse, ndele ndjoka ya fekelwa oha yi tameke na 01.
Okwa gwedha ko ta ti shoka tashi ndhindhilikwa mombapila ya Namibia okutya oha yi tameke nonomla 50 ndele ndhoka dhiifundja ohadhi tameke nokode 36.
Komufala gwopolisi ota ti oshinima oshafa elyenge lyuumbudhi, na opolisi oya gana kutya ota yi ka longa noombudhi ndhoka sigo ye dhi vudha mo adhihe.
Opolisi oya uvu woo kutya ombapila yimwe yaandhika oha yi landwa koodola 1 000. Oya kwata po woo eshina lyokompiuta, eshina lyokunyanyangidha efano niilongitho yilwe yokufaneka, mbika ota ku fekelwa oyo ya longithwa moku ninga oombapila dhiifundja ndhoka.
Oshinima shika osha li sha tseyithilwa opoliisi koshigwana.Iilonga mbika oya li ha yi longelwa pomatala omakulu gopoRundu.
Komufala Auanga okwa indile ayehe mboka landa oombapila ndhoka ye dhi shunitheko omanga inaa ya kwatwa.Mbaka ita ya ka landulwa ngele oye shi ningi pethimbo lye silohenda.

---