Meatco ota futile mopoosa

EHANGANO lyOnyama lya Namibia, Meatco olya ningi euvathano na Nampost opo li longekidhe iifuta yaaniimuna yokomahala gaayehe mbyoka inaa yi nika oshiponga.

Iifuta mbika oya tegelelwa woo yi kale ha yi endelele . Iifuta otayi kala tayi pitile muukalata mboka hawu longithwa kwaamboka ha ya pungula iimaliwa yawo nombaanga ya Nampost.Pehala lyokulongitha iimaliwa koomuma ngoka ogo omukalo gwongashingeyi, Meatco otaka  longitha okaSmart card opo a fute aaniimuna. Aanimuna ayehe yokomahala gaayehe oye na okwiishangitha omolwa omukalo gwokufuta nguka omupe.Oyena okwiishangitha puutala wa Meatco pomauliko giipindi miitopolwa ngaashi pOkakarara okuza mu 8 sigo 11 ga Septemba, omauliko guukumwe gOtjozondjupa -nOmaheke okuza mu 6 sigo 10 ga Septemba, omauliko gopOkondjatu okuza 17 sigo 19 ga Septemba noshowo nee omauliko giipindi gopEpukiro okuza mo 17 sigo 19 ga Septemba nuumvo.Opo yi ishangithe omolwa oka Smart Card omuniimuna okuna oku faalela okamutse nenge odocument ndjoka tayi mu ulike nawa , noshowo  omushangwa tagu ulike iiyemo ye. 

 

---